Nicolo Zaniolo është dërguar menjëherë në spital, pas lëndimit të rëndë që pësoi në humbjen 2-1 që pësoi Roma ndaj Juventusit në kuadër të javës së 19-të në Serie A.
Talenti italian kishte bërë një kalim brilant nga mbrojtja e skuadrës së tij te ajo e Zonjës së Vjetër, por më pas u ndalua nga Matthijs de Ligt.
Fillimisht nuk dukej si lëndim i rëndë për të, por më pas lojtari me lot në sy kërkoi zëvendësimin.
https://twitter.com/GrimtweetsII/status/1216466806774358017
Zaniolo u zëvendësua nga Cengiz Under në minutën e 34-të, ndërsa tani ësht konfirmuar lëndimi serioz i tij.
Roma ka njoftuar se talenti i tyre ka këputur ligamentet e gjurit dhe sezoni për të ka mbaruar para kohe.
klubi italian bëri të ditur se Zaniolo do t'i nënshtrohet menjëherë operacionit. /Telegrafi/
