E godet rryma 30 mijë voltësh dhe rrëzohet nga 30 metra lartësi, shpëton pa ndonjë lëndim serioz (Foto/Video, +18)

Një video rrëqethëse shfaq momentin kur një burrë bie nga shtylla e lartë elektrike sikur të kishte qenë një gur, pasi ishte goditur dy herë nga rryma por që çuditërisht i ka shpëtuar më të keqes.

Pamjet e filmuara me telefon mobil, tregojnë se si burri goditet dy hera nga rryma 30 mijë voltëshe në shtyllën elektrike të tensionit të lartë, transmeton Telegrafi.

Pasi dy tela ishin prekur mes vete ishte krijuar një lidhje e shkurtër, ku si pasojë burri që po qëndronte i varur në shtyllë goditet dhe bie nga një lartësi prej 30 metrave.

Këtë ngjarje të tmerrshme e kanë shikuar dhjetëra kalimtarë rasti, të cilët në videon dëgjohen se si bërtasin nga tmerri që e shohin me sy.

Por ajo çfarë është për tu habitur është fakti se ky burrë i shpëton rrëzimit dhe goditjes së rrymës, pasi në video shihet duke u larguar nga vendi i ngjarjes thuajse nuk ka ndodhur asgjë e keqe, edhe pse në trup shiheshin pjesë të djegura kur është goditur nga rryma.

Ende nuk dihet nëse dy pjesët e klipit ajo e goditjes nga rryma dhe rrëzimi janë të njëjta me atë kur shfaqet në tokë duke ecur, ndërsa ngjarja besohet të ketë ndodhur në Afrikë. /Telegrafi/

https://www.youtube.com/watch?v=Yc0zo8qSS6o