E fyejti Ronaldon, nënën e tij dhe Juventusin – ndëshkohet spikeri i stadiumit të Portos

Spikeri i stadiumit të Portos është gjobitur me 1,430 euro pasi filloi komentet nënçmuese ndaj superyllit të Juventusit, Cristiano Ronaldos dhe familjes së tij.

Skuadra portugeze shkaktoi një befasi mahnitëse sezonin e kaluar duke e eliminuar Zonjën e Vjetër nga Liga e Kampionëve në fazën e 1/8 së finales.

Skuadra e Superligës së Portugalisë siguroi një fitore 2-1 në Estadio do Dragao në ndeshjen e parë para se të pësonte një humbje 3-2 në Allianz Stadium , por Porto përparoi në çerekfinale falë rezultatit të përgjithshëm.

Sidoqoftë, gazeta portugeze A Bola raportoi se incidenti që kishte të bënte me spikerin e stadiumit të Portos erdhi pasi Juventusi u eliminua nga Liga e Kampionëve.

Spikeri i Dragaos, Fernando Saul nuk tërhoqi nuk ndaloi me sulme drejt Juventusit dhe Ronaldos në dy storie të Instagramit.

Sipas Football Italia , ai e quajti Juventusin si “hajdutët italianë” dhe e thirri Ronaldon “derr”.

Publikimi shtoi se Saul madje bëri një ofendim nënçmues ndaj nënës së Ronaldos, Maria Dolores dos Santos Aveiro, të cilën ai e quajti një e “pa dhëmbë”.

Bordi Disiplinor i Federatës Portugeze dënoi sjelljen dhe dha një gjobë prej 1,430 euro që Saulit do t’i kërkohej t’i paguante Ronaldos.

Sipas një raportimi, një përfaqësues i ish-klubit Sporting Lisbonës, ngriti shqetësimin mbi komentet e Saulit pasi i vuri re ato në Instagram.

Football Italia raporton se Saul ishte më parë në një situatë të tillë, pasi mori një ndalim prej 30 ditësh për të komentuar në mikrofonat e stadiumit se ata ishin “të lodhur nga grabitja” gjatë një përplasjeje me Benfikën.

Ronaldo është rikthyer në stërvitjet para-sezonale me Juventusin këtë verë, pavarësisht pasigurisë për të ardhmen e tij në Torino. /Telegrafi/