E ardhmja e Luis Suarez do të vendoset në qershor

Një nga vendimet e mëdha që do të duhet të merren në Atletico Madrid në muajt e ardhshëm ka të bëjë me të ardhmen e Luis Suarez. Kontrata e tij po skadon, por do të ketë bisedime për një rinovim të mundshëm.

Nëse Uruguai vulos kualifikimin për Kupën e Botës “Katar 2022”, Suarez dëshiron të qëndrojë edhe një sezon në Wanda Metropolitano për të mbërritur në atë turne në gjendjen më të mirë të mundshme.

Atletico, ndërkohë, nuk është i gatshëm të angazhohet për këtë deri në verë, pasi ata duan të presin për të parë se si do të bëjë Suarez gjatë muajve të fundit të sezonit 2021/22. Trajneri Diego Simeone ia ka shpjeguar këtë lojtarit.

Lexo po ashtu Nga senatorët e yjet te ballkanasit dhe latinët - përçarja e ekipit përmendet si arsyeja kryesore e paraqitjeve të dobëta të Atletico Madridit këtë sezon

Nëse Suarez nuk mund të krijojë një ecuri të shkëlqyer me gol në gjysmën e dytë të sezonit, pritet që ai të largohet nga klubi në verë.

Por, Atletico dëshiron të mbajë opsionin e qëndrimit të tij, jo vetëm sepse ata kanë nevojë për qendërsulmuesin të përkushtuar dhe të motivuar gjatë muajve të ardhshëm.

Lexo po ashtu Ronaldo, Messi, Aguero, Suarez: 10 lojtarët me më shumë gola të shënuar në shekullin e 21-të

Sa i përket asaj se kush mund ta zëvendësojë Suarezin nëse ai largohet gjatë verës, opsioni i Dusan Vlahovic tashmë është eliminuar, pasi serbi i është bashkuar Juventusit.

Kandidatë të tjerë përfshijnë Darëin Nunez dhe Lucas Boye, me emra të tjerë që do t’i shtohen asaj liste pasi të vijë vera dhe nëse Suarez largohet. /Telegrafi/