Dybala nuk luan ndaj Tottenhamit

Paulo Dybala nuk është përfshirë në skuadrën e Juventusit për duelin rrethit të eleminimit direkt ndaj Tottenhamit.

Argjentinasi ka vuajtur nga një lëndim në kofshë, por ka pasur zër se ai mund të kthehet për ndeshjen e parë ndaj anglezëve në Torino.

Sidoqoftë, Massimiliano Allegri të premtën ka thënë se ai nuk do të rrezikonte me lojtarin dhe prandaj nuk e ka ftuar fare për këtë duel.

Lexo po ashtu Të gjitha lajmet nga Juventusi

Juan Cuadrado, Hoëedes, Andrea Barzagli dhe Blase Matuidi po ashtu janë jashtë kësaj sfide për shkak të dëmtimeve, kurse Stephan Lichtsteiner nuk është ftuar sërish përkundër faktit se ishte përfshirë në listën e Ligës së Kampionëve.

Allegri në vend të tij ka vendosur ta ftojë 19 vjeçarin Simone Muratore.

Ndeshja zhvillonte sonte (e martë) nga ora 20:45.

Skuadra e plotë e Juves ndaj Tottenhamit: Buffon, Pinsoglio, Szczesny, De Sciglio, Chiellini, Benatia, Alex Sandro, Rugani, Pjanic, Khedira, Marchisio, Asamoah, Sturaro, Bentancur, Muratore, Higuain, Douglas Costa, Mandzukic, Bernardeschi