Dy të lënduar në nëntë aksidente mbrëmë në Shkup

Lëndime të rënda trupore kanë marrë një këmbësor dhe një vozitës i motorçikletës, në dy nga nëntë aksidentet rrugore, çka kanë ndodhur në ditën e kaluar, theksojnë nga SPB Shkup.

Në pesë aksidentet lëdnime të lehta trupore kanë marrë shtatë persona, ndërsa në dy janë konstatuar dëme materiale, shkruan Telegrafi Maqedoni.

Nga MPB informojnë se mbrëmë policia rrugore ka sanksionuar një numër të madhë të shkelësve të ligjit.

“31 vozitës kanë tejkaluar shpejtësinë e paraparë, 5 vozitës kanë kaluar semafaorin në dritë të kuqe, 3 vozitës nuk kanë dhënë leje këmbësorëve për kalim, 4 vozitës kanë bërë tejkalim të parregullt. Është saksionuar dhe një këmbësor i cili ka bërë kalim jo të rregullt në korsi”, thuhet në njoftimin e MPB-së.

Nga komunikacioni janë përjashtuar një vozitës për shkak se ka qenë nën ndikimi të alkoolit, 13 vozitës pa patent shoferi, një vozitës fillestar, si dhe një veturë me probleme teknike dhe 14 vetura të paregjistruara. Janë kapur edhe 91 vetura të parkuara në mënyrë jo të rregullt./Telegrafi/