Dy shqiptare në sarajin osman

Nga: Agron Islami

Historia osmane njeh dy Sofi shqiptare që ishin nëna të sulltanëve osman. Sofia e parë jetoi dhe veproi në kohën kur Perandoria Osmane ishte në bollëk dhe e fuqishme, ndërsa e dyta jetoi në kohën e shpërbërjes së Perandorisë.

Sofia e parë e lindur më 1550 ishte nga fshati Rezi (?) e zonës së Dukagjinit. Udhëtimi i saj me familje drejtë Venedikut përfundoi tragjikisht. Ajo u kidnapua nga kusarët dhe pas një viti e gjeti vetën në sarajin osman, pasi që e ëma e Sulltan Muratit III, e kishte blerë nga kusarët. Deri në moshën 15-vjeçare, jetoi ne sarajin osman dhe si gjithë shoqet e kombësive të ndryshme qe ishin bere pjese e sarajit, edhe Sofia dukagjinase mësoi shkrim-leximin dhe një profesion …

Sofia e cila më vonë do të merr emrin Safije, ishte e njohur për bukurinë e saj andaj edhe pati fatin që të martohej me Sulltanin dhe për rezultat fitoi titullin Sulltaneshë. Duke qenë se ajo u rrit në ambientet e sarajit, ia doli mjaftë mirë që t’i mësojë intrigat në pallatin osman. Andaj, jo rastësisht historianët e trajtojnë si një personalitet të rrallë që diti të luajë në favor të djemve të saj. Njëherësh, Safija është edhe sulltanesha e parë osmane që e kishte fjalën e vetë edhe në politikën e jashtme osmane. Ajo shkëmbeu letra me përfaqësues të shteteve te huaja, dhe kishte miqësi të veçantë me Mbretëreshën e Anglisë Elizabetën e Parë, me të cilën shkëmbenin dhurata. Kjo e fundit e admironte Safijën për dukjen dhe veshjen e saj, i dërgonte gjëra të çmueshme prej ari, qerre të zbukuruar me ari me të cilën thuhet se Safije e kishte shëtitur Stambollin … ndërsa Safija ia kthente me dhurata veshjesh të modeleve të ndryshme orientale dhe kozmetik që përdorej asokohe në sarajin osman.

Megjithatë, gjatë kohës së sulltaneshës Safije, korrupsioni në saraj kishte mbërri tavanin dhe si rezultat i kësaj ajo edhe pas vdekjes së djalit të saj Sulltan Mehmetit III (1603) ishte më e fuqishme se Sulltanesha Handan e cila ishte e ëma e Sulltan Ahmetit të Parë.

Një Sofi tjetër ishte nëna Sulltan Mehmetit V (1909-1918). Të dhënat për të ëmën e Sulltan Mehmetit V (Reshatit) janë të mangëta, por dihet se ajo u lind më 1826 në Stamboll nga prindër shqiptarë. Ndryshe prej Sofisë e cila e u kidnapua dhe pa dashje përfundoi në saraj, Sofia e shekullit XIX u dërgua me dëshirën e prindërve. Pas shkollimit në saraj, sipas traditës ajo emërtohet me emrin e ri mysliman, Gylxhemal. Emër i cili është emërtim i bukurisë, “fytyrë trëndafile”. Më pas u martua me Sulltan Abdylmexhidin (1839-1861) dhe bëhet nëna e Sulltan Mehmetit V. Titullin e Sulltaneshës ia dha djali i saj Princi Mehmet, por ndryshe nga Safija, Gylxhemali vdiq nga sëmundja e veremit derisa princi ishte i vogël …

Lexo po ashtu Safija nga Dukagjini, një nga gratë më të fuqishme në histori