Duket se grushtet e Usyk kanë lënë pasoja te Fury, britaniku thotë se ka mposhtur ukrainasin

Tyson Fury thotë se ai ‘ia hoqi kokën Oleksandr Usyk menjëherë’ dhe beson se ai fitoi përballjen e tyre e tyre të padiskutueshme muajin e kaluar.

Fury dorëzoi titullin botëror të peshave të rënda në WBC teksa pësoi humbjen e parë të karrierës së tij ndaj Usyk.

Ai humbi një vendim të ndarë ndaj ukrainasit, i cili u kurorëzua kampion i padiskutueshëm i peshave të rënda në Riad të Arabisë Saudite.

Mbi një muaj pas përballjes, Fury mendon se fitoi dhe pretendoi se meç ishte ‘shumë më i lehtë’ nga sa mendonte.

Britaniku i pamposhtur më parë zbuloi gjithashtu problemin e tij në ring me Usyk teksa e krahasoi rivalin e tij me një ‘amator vendas’.

Duke folur në kanalin në YouTube të Furocity Energy, ai tha: “Kam parë shumë ndeshjen dhe kam marrë të njëjtën përgjigje – mendova se fitova. Usyk e di që nuk më mundi… Mendova se grushtova kokën për shumicën e raundeve”.

Lexo po ashtu U pa në gjendje të rënduar në një klub nate - tani Fury paralajmëron Usykun nga palestra

“Ai ma theu hundën në raundin e tetë, mori 10-8 në raundin e nëntë dhe unë i dhashë raundin e dhjetë. Por përveç kësaj, nuk i dhashë asnjë raund tjetër… Ishte në fakt shumë më e lehtë nga sa mendoja. Njerëzit thoshin se ai është i vështirë për t’u goditur, unë po e ndeza me kombinime me katër grushta dhe po qeshja me të”.

Fury shtoi: “Problemi im ishte se ndoshta u argëtova shumë. Ishte shumë e lehtë. Ishte sikur isha atje me një boksier amator vendas. Po e shijoja shumë, po ngatërrohesha dhe pagova çmimin përfundimtar në raundin e nëntë”, ka shtuar më tej ai.

Lexo po ashtu Fansat po i frikësohen më të keqes nga rrëzimi i Tyson Furyt jashtë një klubi nate

I vetëshpallur “Gypsy King” do të rikthehet me Usyk, me revanshin e tyre të planifikuar të zhvillohet më 21 dhjetor. Titujt botërorë WBA (super), WBO dhe WBC do të jenë në linjë për luftën e tyre në Lindjen e Mesme. /Telegrafi/