Dua Lipa rinis turneun Radical Optimism, kësaj here në Amerikën Latine – ngriti një stadium të tërë në Argjentinë
Artistja shqiptare me famë botërore, Dua Lipa, ka rinisur turneun e saj “Radical Optimism”, kësaj radhe në Amerikën Latine.
Ndalesa e parë e artistes ishte në Buenos Aires, Argjentinë, ku ajo performoi dy net radhazi, më 7 dhe 8 nëntor.
Siç dihet, publiku në Amerikën Latine është ndër më të zjarrtët në botë, dhe çdo herë i pret artistët me energji të jashtëzakonshme. E njëjta atmosferë nuk mungoi as për artisten shqiptare, e cila ngriti në këmbë një stadium të tërë, me mijëra fansa që kërcenin në një zë me këngët e saj ritmike.
Pas një pauze të shkurtër pas përfundimit të pjesës së SHBA-së, ajo e ka rimisur atë tani në Amerikën Latine.
Dua Lipa ka përfunduar më parë koncertet e saj në Australi, Zelandë të Re, Evropë dhe Shtetet e Bashkuara të Amerikës. Ende nuk është konfirmuar nëse vitin e ardhshëm turneu do të zhvillohet edhe në Azi.
