Dua Lipa pozon nga një jaht në Waiheke, ndërsa relaksohet përpara shfaqjeve të tjera në mes të turneut “Future Nostalgia”

Ajo ka performuar së fundmi në Melbourne, në një shfaqje të mahnitshme të dielën mbrëma, biletat e së cilës u shitën vetëm për një natë.

Dhe ndërsa turneu botëror i Dua Lipës po vazhdon, ajo ka qenë këtë herë e pranishme në Auckland në Zelandën e Re për të performuar në kuadër të “Future Nostalgia”.

Këngëtarja, 27-vjeçe, bëri një vizitë në ishullin Waiheke dhe ndau disa fotografi të mrekullueshme nga udhëtimi teksa po shijonte pak kohë përpara koncertit të ardhshëm.

Dua shfaqi figurën e saj me një kostum ngjyrë ari, të cilin e kishte lënë të hapur në pjesën e gjoksit dhe barkut.

Ajo e kompletoi dukjen me një zinxhir të ngjashëm të varur rreth belit.

Lexo po ashtu Të gjitha lajmet nga Dua Lipa

Zeshkania, e cila po pozonte në anë të një jahti, i kishte lëshuar flokët dhe zgjodhi një palë syze dielli me vathë ari.

“Ditë e përsosur në ishullin Waiheke. Auckland jam shumë e emocionuar që do të ju shoh nesër për dy mbrëmje teksa Future Nostalgia po vazhdon”, tha ajo.

Dua do të kthehet në Australi muajin e ardhshëm meqë do të performojë në Brisbane më 5 nëntor, përpara shfaqjeve në Sydney më 9 dhe 10 nëntor.

27-vjeçarja do të përfundojë turneun e saj në Perth më 16 nëntor. /Telegrafi/

View this post on Instagram

A post shared by DUA LIPA (@dualipa)