Dua Lipa pjesë e videolojës FIFA 21 në ‘PlayStation’

Përdoruesit e videolojës FIFA 21 në ‘PlayStation’, tani mund të luajnë edhe si Dua Lipa si pjesë e azhurnimit të fundit të lojës.

Pjesa e fundit në serinë e gjatë EA Sports është lëshuar në konsola të ndryshme muajin e kaluar më datë 9 tetor. Siç vërejnë FIFA 21 Updates, një mori të famshëm janë bashkuar me modalitetin ‘FIFA Volta’ të videolojës.

Lipa, e cila publikoi albumin e saj më të ri ‘Future Nostalgia’ këtë vit, tani paraqitet së bashku krahas emrave të njohur si: Lewis Hamilton, David Beckham dhe DJ Snake, shkruan NME.

In a new update for @EASPORTSFIFA’s #FIFA21, you can play as Dua Lipa! pic.twitter.com/AFNvHwkrU2

— Dua Lipa News (@dlipanews) November 12, 2020

“Nuk e kisha parashikuar Dua Lipën në FIFA, karta ime bingo 2020”, shkruajti një tifoz në Twitter. Një tjetër tha: “Dua Lipa duke luajtur për djemtë në FIFA. Është e garantuar për të shënuar më shumë gola se Griggs”, shkroi një tjetër.

Versioni i gjeneratës së ardhshme të FIFA 21 (PS5 dhe Xbox Series X) do të lansohet më 4 dhjetor, ndërsa edicioni i përmirësuar i PC do të arrijë në një moment vitin e ardhshëm.

https://twitter.com/FIFA21Updates/status/1326905447673106434

Lojtarët që zotërojnë versione të gjeneratës aktuale të lojës gjithashtu do të kenë të drejtën e një azhurnimi falas të gjeneratës së ardhshme, por vetëm për konsolën ekuivalente të gjeneratës së ardhshme – për shembull, PS4 në PS5.

Lojtarët kanë deri në fillimin e FIFA 22, që supozohet diku në fund të vitit 2021, të pretendojnë versionin e tyre të azhurnuar të FIFA 21.

Për më tepër, përdoruesit që zotërojnë kopje fizike të lojës janë këshilluar të mbajnë disqet pasi do të kërkohet që të filloni lojën në tastierat e gjeneratës tjetër. /Telegrafi/