LAJMI I FUNDIT:

Dua Lipa flet për diskriminimin e femrave në industrinë muzikore

Dua Lipa flet për diskriminimin e femrave në industrinë muzikore
(Foto: Getty Images)

Dua Lipa asnjëherë nuk ka hezituar që t’i vë femrat dhe feminizmin në qendër të artit të saj muzikor.

Videoklipet e hiteve të saja muzikore, si “New Rules” dhe “IDGAF”, karakterizohen me praninë e një grupi femrash që e mbështesin njëra-tjetrën.


Ndërkaq, në një intervistë për version britanik të revistës GQ (botimi i muajit maj), këngëtarja shqiptare ka dhënë opinionet në lidhje me seksizmin dhe fushatat e tilla, si #MeToo.


Seksizmi nënkupton paragjykimin, stereotipizimin apo diskriminimin në baza gjinore (zakonisht ndaj femrave).


“Për një artiste femër duhet një angazhim shumë më i madh, nëse nuk je ulur pranë një pianoje ose me një kitarë, e keni parasysh?”.

“Për një artist mashkull, njerëzit menjëherë supozojnë se ata e shkruajnë vet muzikën e tyre, mirëpo për femrat, mendojnë se gjithçka është e përgatitur”, ka thënë 22-vjeçarja për GQ.

Të gjitha lajmet për Dua Lipën
Lexo po ashtu Të gjitha lajmet për Dua Lipën

Dua ka folur më tej rreth ngacmimeve seksuale duke i vendosur në kontekst të kulturës patriarkale.

“Kjo gjë është rrënjosur në kokat tona se djemtë do të jenë djem dhe se kjo është e padëmshme”, është shprehur ajo duke shtuar se personalisht nuk ka qenë viktimë e keqtrajtimeve seksuale, mirëpo ka thënë se fushatat, si ajo #MeToo, janë shumë të rëndësishme.


Fushata #MeToo (“Edhe unë”) ka nisur nga tetori i vitit 2017 si një hashtag në rrjetet sociale për të ndihmuar në parandalimin e ngacmimeve dhe keqtrajtimeve seksuale, sidomos në vendin e punës. Kjo fushatë nisi menjëherë pas skandalit hollivudian të abuzimeve seksuale nga producenti i famshëm, Harvey Weinstein.


“Për shumë femra, qofshin aktore, këngëtare, modele, apo çfarëdo qofshin tjetër, nuk e kanë të drejtën të vishen si duan dhe çfarë duan, dhe nuk merren seriozisht (për atë që thonë apo bëjnë)”, ka thënë Lipa. /Telegrafi/

Në trend Magazina

Më shumë
Ndodhet akoma në Big Brother - publikohet data e koncertit të parë të Gjestit

Ndodhet akoma në Big Brother - publikohet data e koncertit të parë të Gjestit

Magazina
Ulet pranë Gjestit, Xheneta: Dikush m’i ka puthur këta gishta të këmbës

Ulet pranë Gjestit, Xheneta: Dikush m’i ka puthur këta gishta të këmbës

Magazina
“Nuk të vyen trupi kur nuk ke mend” - Gjesti ‘godet’ Xhenetën derisa ishte brenda

“Nuk të vyen trupi kur nuk ke mend” - Gjesti ‘godet’ Xhenetën derisa ishte brenda

Magazina
Xheneta Fetahu futet në shtëpinë e Big Brother VIP Albania

Xheneta Fetahu futet në shtëpinë e Big Brother VIP Albania

Magazina
Egli reagon për herë të parë: Ndihem e trishtuar, por nuk ndodhem në asnjë spital psikiatrik - e fajëson Gjestin për të gjitha

Egli reagon për herë të parë: Ndihem e trishtuar, por nuk ndodhem në asnjë spital psikiatrik - e fajëson Gjestin për të gjitha

Magazina
“Besoj se dikë e kam mësuar që t’i pastrojë rrobat” - momenti kur Gjesti sheh Xhenetën në BBVA

“Besoj se dikë e kam mësuar që t’i pastrojë rrobat” - momenti kur Gjesti sheh Xhenetën në BBVA

Magazina
Kalo në kategori