Drogë nën qilimin e çerdhes, vdes 1-vjeçari në Nju Jork

Nicholas Dominici, i cili kishte qenë në kopsht për vetëm shtatë ditë, vdiq të premten nga një mbidozë droge.

Fentanili që mbyti fëmijën njëvjeçar në një çerdhe në Nju Jork, ishte fshehur në një dhomë gjumi nën një qilim, transmeton Telegrafi.

Siç raporton BBC ,tre fëmijë të tjerë u shtruan në spital, pasi u ekspozuan ndaj lëndës narkotike të fuqishme në një çerdhe në Bronx.

Dy persona janë akuzuar për drogë dhe vrasje. Policia beson se fëmijët, të moshës tetë muaj deri në dy vjeç, thithën fentanil në çerdhe.

Tre prej fëmijëve iu dha Narcan, një ilaç urgjent që përdoret për të thyer mbidozën e opioideve.

Gjatë kontrollit në dhomën e fëmijëve u gjet një kilogram fentanil, i cili u zbulua “nën qilimin ku fëmijët kishin fjetur më parë”, tha të hënën shefi i policisë në Nju Jork, Joseph Kenny.

Hetuesit dyshohet se zbuluan gjithashtu tre presa për paketimin e kilogramëve të drogës.

Pronararja e çerdhes Divino Niño në Bronx, Grei Mendez, 36 vjeçe, dhe qiramarrësi i saj, Carlisto Acevedo Brito, 41 vjeç, përballen me akuza federale për posedim të lëndëve narkotike “me qëllim shpërndarjen që rezulton në vdekje”, sipas prokurorëve federalë. /Telegrafi/