Drejtuesit e Romës kanë besim te Mourinho, pavarësisht fillimit të dobët të sezonit

Pronarët e Romës, familja Friedkin nuk do të dëgjojnë protestat kundër Jose Mourinhos, duke mbajtur besimin te trajneri pavarësisht fillimit të mjerueshëm të sezonit të 2023/24.

Giallorossët ishin shumë afër ta fitojnë trofeun e Ligës së Evropës sezonin e kaluar, duke humbur vetëm nga ekspertët e turneut Sevilla në penallti.

Pavarësisht investimit të ulët në skuadër gjatë verës, shpresat ishin të mëdha që Roma më në fund mund të rikthehej në top katërshe të Serie A këtë sezon.

Lexo po ashtu Jose Mourinho në telashe, Roma e tij shkatërrohet nga Genoa

Gjërat nuk kanë shkuar siç duhet në kryeqytetin italian. Roma ka marrë vetëm pesë pikë nga gjashtë ndeshjet e para të ligës, duke i lënë ata në vendin e 16- të në tabelë, shtatë pikë prapa Atalantës së vendit të katërt.

Tifozët kanë filluar të humbasin durimin me trajnerin Mourinhon, duke shkaktuar tensione në qytetin ikonik italian.

Megjithatë, sipas Tuttosport, Friedkins nuk kanë hequr dorë ende nga Mourinho dhe ende besojnë se ai mund t’i kthejë gjërat pozitivisht te Roma, kështu që nuk po planifikojnë të zëvendësojnë trajnerin së shpejti.

Lexo po ashtu Balotelli godet rëndë Mourinhon: Duhet të marrë përgjegjësi si burrë

Trajneri portugez është kritikuar shumë për arsye të ndryshme nga tifozët, si stili negativ i lojës dhe kriza e lëndimeve.

Të tjerë kanë sugjeruar gjithashtu se ky është një shembull tjetër i mallkimit tashmë famëkeq ‘Sezoni i tretë i Mourinhos’. /Telegrafi/