Dramë në sfidën ndërmjet West Ham dhe United, Djajtë e Kuq fitojnë me përmbysje

Manchester Unitedi ka arkëtuar pikë të plota në udhëtimin te West Ham United (2-1), në ndeshjen e javës së pestë në Ligën Premier.

Djajtë e Kuq ia dolën të ktheheshin nga disavantazhi, për ta fituar me përmbysje takimin në London Stadium, ku në minutat e fundit u zhvillua dramë e vërtetë.

Gjysma e parë u mbyll me shufra identike, ndërsa përkundër tentativave në pjesën e dytë, mysafirët nuk arrinin ta shënonin golin e fitores.

Inkuadrimi i Jesse Lingard (në minutën e 73-të në vend të Paul Pogbas) i ndryshoi gjërat, pasi ai e shënoi golin e fitores me një goditje të bukur (89’).

Porse para fishkëllimës së fundit të gjyqtarit kishte momente mjaft interesante në fushë. Fillimisht, CR7 u rrëzua në zonë, por arbitri nuk e konsideroi penallti.

Më pas, në minutat shtesë, Luke Shaw e ndali topin me dorë brenda gjashtëmbëdhjetëmetërshit dhe pas konsultimit të VAR-it u akordua penallti.

Mark Noble hyri në fushë vetëm që ta ekzekutonte penalltinë, mirëpo David de Gea e ndali goditjen e tij duke ia siguruar tri pikë Unitedit.

Me këtë fitore, Manchester Unitedi ngritët në kuotën e 13 pikëve, aq sa ka edhe lideri Liverpool. Për West Ham Unitedi ishte humbja e parë pas dy fitoresh dhe dy barazimesh. /Telegrafi/

🎞️ | Bruno assists, Ronaldo scores. Pretty sure I've heard this recently. 👏https://t.co/Q5oS8RAgdx

— Rocco 🔴 (@UtdRocco) September 19, 2021

AHHH 😌 Another Tap In Goal By Ronaldo! SIUUUUUUUUUU https://t.co/6BwdcbOLS8

— 🌍🦋 (@MezzalaMindset) September 19, 2021

https://twitter.com/footyroom/status/1439602404433924098

#MyPLMorning #Lingard what a beauty 🥰 pic.twitter.com/XefzexjABh

— Lincoln_nkanga🇳🇬 🇬🇧👌🏿 (@Lincolnnkanga3) September 19, 2021