Donatella Versace u pa për herë të parë në publik që pas largimit nga posti i Drejtoreshës Kreative të markës ‘Versace’, teksa festonte në klubin e natës Tramp në Londër me supermodelet Kate Moss dhe Amber Valletta.
Stilistja 69-vjeçare shkëlqeu me një xhaketë lëkure të zezë dhe xhinse të zbukuruara, ndërsa u shoqërua nga mikeshat e saj të ngushta.
Largimi i saj nga ‘Versace’, pas më shumë se dy dekadash në krye të markës, u shoqërua me spekulime për tensione me Capri Holdings, grupin që bleu markën në 2018.
Megjithatë, ajo do të vijojë si ambasadore kryesore e markës, duke u fokusuar në projekte filantropike.
Donatella është një ikonë e modës me një ndikim të jashtëzakonshëm, duke veshur yje si Taylor Swift, Beyoncé, Dua Lipa dhe Jennifer Lopez.
Largimi i saj ngre pikëpyetje mbi të ardhmen e markës, duke qenë se stili dhe lidhjet e saj me botën e showbiz-it ishin thelbësore për suksesin e Versace.
Drejtimi kreativ tashmë i është besuar Dario Vitale, i cili premton të ruajë trashëgiminë e shtëpisë së modës. /Telegrafi/
