Eric Trump, djali i ish-presidentit të ShBA-së Donald Trump, ka kritikuar Princin Harry dhe Meghan Markle, duke i quajtur “të përkëdhelur” dhe duke sugjeruar se ata mund të dëbohen nga Amerika.
Ai shprehu dyshime nëse Britania do t’i dëshironte ata prapa. “Mund t’i merrni këta të dy mbrapsht. Ne do t’i dërgojmë me kënaqësi nga Amerika. Mund t’i ktheni, por nuk jam i sigurt nëse i dëshironi më. Ndoshta as ne nuk i duam më”, tha ai për GB News.
Eric Trump theksoi se familja Trump gjithmonë ka pasur respekt për familjen mbretërore, edhe pse ai nuk e pëlqen çiftin Harry dhe Meghan. Ai shtoi se familja e tij dhe ai kanë pasur gjithmonë respekt të madh për Mbretëreshën Elizabetë dhe Princeshën Diana, duke e konsideruar familjen mbretërore si një “institucion të shenjtë” me disa “aktorë të këqij”.
“Në çdo gjë ka aktorë të këqij. Në çdo kopsht me mollë ka mollë të kalbura”, tha Trump i ri.
Donald Trump më parë kishte thënë se Harry dhe Meghan mund të detyrohen të largohen nga ShBA-ja, pasi Harry në librin e tij të kujtimeve “Spare” pranoi se kishte sjellë drogë në vend. Disa muaj më parë, në një intervistë për GB News, ai tha se Harry nuk duhet të ketë privilegje të veçanta vetëm për shkak të titullit të tij dhe se duhet të ndërmerren masa të duhura nëse ai ka gënjyer në aplikimin për vizë.
Princi Harry së fundmi ka shprehur shqetësimin për sigurinë e familjes së tij gjatë një interviste për dokumentarin e ITV-së “Tabloids on Trial”, i cili u shfaq për herë të parë më 25 korrik. Ai tregoi arsyen pse nuk dëshiron të jetojë në Mbretërinë e Bashkuar.
“Ende është e rrezikshme”, deklaroi Harry, duke theksuar se mjafton vetëm një person për të shkaktuar diçka të keqe. “Qoftë një thikë apo acid, çfarëdo që të jetë, këto janë gjëra që më shqetësojnë sinqerisht. Kjo është një nga arsyet pse nuk do ta kthej gruan time në atë vend”, shpjegoi ai. /Telegrafi/
Promo
Reklamo këtuLufta Prigozhin - Putin
Më shumëLuana Vjollca i jep fund lidhjes me Krenar Çoçajn?
Melinda Ademi tërheq vëmendjen në Instagram, duke pozuar mbi një tavolinë të ngrënies
Djali i Donald Trump për Princin Harryn dhe Meghan Markle: Me kënaqësi do t'i largojmë nga Amerika
Medi Iseni publikon videon ku shihet duke u grushtuar brutalisht, nga Noizy me shokë në Pejë
Elvana dhe Ledri Vula publikojnë këngën e re “Shhh”
"Me dajtë e mi nuk ka", Xhuli pozon krahas Hamzë e Adem Jasharit të ri
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Ushtarët ukrainasë marrin nën kontroll qytetin rus Sudzha?
Transferimi i dytë i Flickut tek Barcelona mund të jetë ish-ylli i Real Madridit
Pakoja ra nga kamioni dy herë dhe u kthye vetë - i gjithë interneti po debaton se si është e mundur
Nëse e njihni këtë person, raportoni menjëherë në polici
Ushtritë e Evropës Lindore në hall me rekrutimin e ushtarëve të rinj për luftën 'jo shumë të largët'
Dyshohet për vjedhje, Policia kërkon ndihmën e qytetarëve për identifikimin e këtij personi