Diplomimi i gjeneratës së 61-të i Policisë së Kosovës, Krasniqi thotë se është rritur numri i pjesëtarëve nga komuniteti egjiptian

Ministri i Administrimit dhe Pushtetit Lokal, Elbert Krasniqi, ka njoftuar se përgjatë këtyre viteve ka pasur rritje të numrit të komunitetit egjipitan në Policinë e Kosovës.

Krasniqi ka shkruar se nga 7 polic në vitin 2021 në 23 policë në vitin 2025 nga komuniteti egjiptian, transmeton Telegrafi.

“Në vitin 2021 ishin vetëm 7 pjesëtarë nga komuniteti egjiptian në Policinë e Kosovës, përderisa sot me rastin e diplomimit të gjeneratës së 61-të, janë plotë 23 pjesëtarë nga komuniteti egjiptian në Policinë e Kosovës, të gjithë këta për të shërbyer me profesionalizëm dhe përkushtim në policinë tonë. Ky numër duhet dhe do të rritet ngase asnjëherë nuk ka munguar vullneti i lartë nga komuniteti egjiptian për ti shërbyer Republikës”, ka pohuar ai.

Ndryshe, sot nën intonimin e himnit shtetërorë u bë hapja zyrtare e ceremonisë së diplomimit të 462 kadetëve të Policisë së Kosovës të gjeneratës së 61.

Lexo po ashtu Diplomon gjenerata e 61-të e Policisë së Kosovës

Presidentja e vendit, Vjosa Osmani ka thënë se atdheut tonë po i bashkohen edhe 462 gardianë, apo 462 djem e vajza në mbrojtje të vendit tonë.

Ajo gjatë ceremonisë tha se me diplomimin e gjeneratës së 61-të po fuqizohet edhe më shumë Policia e Kosovës.

“Janë 56 vajza e gra në këtë grup, por na duhen dhe më shumë. Policia jonë është me ne në çdo ditë, në çdo festë, edhe kur ne pushojmë. Sakrifica dhe përkushtimi i tyre është i pashoq… ata çdo ditë mbrojnë sovranitetin dhe territorin e Republikës së Kosovës. I përkulemi heroizmit të heroit të Kosovës, Afrim Bunjakut, i përkulemi edhe heroizmit të Enver Zymberit dhe aty që ranë në detyrë në mbrojtje të atdheut”, ka thënë Osmani.

Kryeministri i vendit, Albin Kurti gjatë ceremonisë së diplomimit të gjeneratës së 61 të kadetëve të Policisë së Kosovës ka thënë se ka shumë mënyrë për t’i shërbyer vendit, por nuk rigë më të rrugë më të drejtpërdrejtë se të veshësh uniformën policore dhe tu përgjigjesh thirrjes së qytetarëve.

“Që nga fillimi i detyrës sime si kryeministër jam munduar të marrë pjesë në të gjitha ceremonitë e policëve. Dhe zotimi ynë në këtë mandat për 2000 policë të rinj, janë diplomuar gjithsej 2 mijë e 76 policë të rinj. I ftoj të gjitha gratë dhe vajzat e Kosovës që janë të gatshme t’i bashkohen policisë të aplikojnë dhe të jenë pjesë e saj”, ka thënë Kurti. /Telegrafi/