“Dinarët e Serbisë futen me tonelata”, ish-luftëtari i UÇK-së: Për çfarë po përdoren

Ish-luftëtari i UÇK-së, Dritan Goxhaj, ka thënë se dinarët e Serbisë të cilët po futen me tonelata në Kosovë përdoren për të financuar strukturat paralele të Serbisë.

Goxhaj theksoi se ndalimi i dinarit mund të japë një zgjidhje për ruajtjen e sovranitetit të shtetit të Kosovës, por nuk do e ndalonte financimin e grupeve serbe.

“Futja e parave me kilogramë, ndodh vetëm në vendet që kontrollohen nga kartelet e drogës. Ata i masin paratë me kilogram dhe jo me sasi. Thuajse pjesa më e madhe e parave duhet se për çfarë përdoren në Kosovë. Ato përdoren për të financuar “shtetin paralel” që Serbia ka ngritur në Kosovë. Unë jam dakord që Kosova duhet të ushtrojë sovranitetin e saj të plotë”.

“Kosova këtë duhet ta kishte bërë shumë më para. Mua më shqetëson fakti që këta po tentojnë të bëjnë këtë punë, nëse serbët i konvertojnë paratë ne euro dhe e bëjnë këtë transaksion nga banka dhe i paguajnë njësoj këta serb, për këto struktura paralele, a do vazhdojnë të ekzistojnë këto struktura paralele? Kjo është shqetësuese”, u shpreh Goxhaj në Euronewsal.

Lexo po ashtu Largimi i dinarit serb, deklarohet Kurti: Një periudhë tranzicioni është e nevojshme

Ndërkaq, deputeti i Partisë Socialiste, Denis Deliu, tha se vendimi i Kosovës për ndalimin e dinarit serb është një vendim i drejtë i cili ka ardhur si pasojë e sulmit të Banjskës.

Deliu shtoi se pas mbledhjes së të dhënave dhe informacioneve, NATO dhe shërbime të tjera në Kosovë kanë dalë në përfundimin se dinari serb i pakontrolluar ka qenë problem që ka financuar sulmin.

Lexo po ashtu Spahiu: Çfarë fshihet pas lëvizjes së Kurtit për t’u përplasur me Serbinë

“Unë mendoj që është një vendim i drejtë. Gjithçka nisi pas sulmit të Banjskës. Sulmi i Banjskës përcaktoi qartë dhe do të përcaktojë në të ardhmen veprime të shtetit të Kosovës, por edhe të NATO-s dhe Shteteve të Bashkuara të Amerikës. NATO ka një qendër monitorimi për parandalimin e krizave dhe të konflikteve, ndërkohë që monitoron shtetet anëtare të NATO-s por edhe vende ku ka shërbime siç është KFOR-i në Kosovë.

Pas analizave dhe mbledhjes së informacioneve ata kanë dalë në përfundimin se Dinari Serb i pakontrolluar ka qenë një problem për financimin e terrorizmit edhe solli sulmin e Banjskës. Kur valuta kthehet në Euro, gjithçka do të kalojë nëpërmjet bankës dhe Banka qendrore e Kosovës do të përcaktojë rregullore të tjera për serbët e Kosovës, ose për kalimin e parave nga shteti i Serbisë brenda vendit”, deklaroi Deliu.