LAJMI I FUNDIT:

Dialogu asimetrik ka përfunduar, Kurti: RKS janë tabelat e Kosovës, opsionet për prodhimin e targave neutrale për vetveten nuk vijnë në konsiderim

Dialogu asimetrik ka përfunduar, Kurti: RKS janë tabelat e Kosovës, opsionet për prodhimin e targave neutrale për vetveten nuk vijnë në konsiderim

Kryeministri i vendit, Albin Kurti sot pas mbledhjes së Qeverisë së Kosovës ka mbajtur një konferencë për media, ndërsa theksoi se dialogu asimetrik ku Kosova më parë është temë sesa palë, nuk ngjan më në Bruksel.

Ai në deklaratën para gazetarëve theksoi se në takimin me dy emisarët do të shohë nëse ka opsione tjera, të reja.

“Dialogu asimetrik kur Kosova më parë temë sesa palë, nuk ngjan më në Bruksel. Ky është dallim tektonik, për të mirë.


E dyta, duhet ta shohim takimet e sotme a kanë opsione të tjera, të reja.

Opsionet kur Kosova duhet që të prodhojë targa neutrale për vetveten nuk vijnë në konsiderim. Me mua si kryeministër, me këtë udhëheqje demokratike pas zgjedhjeve të shkurtit të vitit të kaluar nuk mund të ketë prodhimtari, status neutrale në Republikën e Kosovës. RKS janë tabelat e Kosovës dhe kjo është në përputhje madje edhe me zotimet e Beogradit në Bruksel”, tha kryeministri në konferencë, raporton Telegrafi.

Kurti pret opsione të reja për reciprocitetin nga takimi i sotëm me Escobarin dhe Lajçakun
Lexo po ashtu Kurti pret opsione të reja për reciprocitetin nga takimi i sotëm me Escobarin dhe Lajçakun

Ai tha se opsionet për targa neutrale karshi targave të Kosovës kanë qenë nga ndërmjetësi Lajcak.

Ndërkaq, në mbledhjen e Qeverisë, Kurti lidhur me çështjen e targave KS, tha se nuk mund të rikthehen më në qarkullim.

“Në marrëveshjen e vitit 2018 vetë presidenti i Serbisë presidenti i Serbisë si nënshkrues i saj e ka pranuar që këto targa janë ilegale, si dhe ka pranuar që mundësia për regjistrim me targa KS është e përkohshme vetëm deri në shtator të vitit 2021.

Ata që i kanë konvertuar veturat e tyre gjatë periudhës janar 2017- janar 2018, po ashtu e kanë ditur këtë dhe rrjedhimisht që nga shtatori i vitit 2021 i kanë konvertuar këto targa nga KS në RKS pa asnjë incident të vetëm. Edhe tek konvertimi i deritanishëm i targave edhe tek lëshimi i atyre 2679 dokumenteve hyrje-daljeve përgjatë 19 orëve të së hënës së 1 gushtit nuk kemi asnjë incident dhe asnjë ankesë.

Targat KS nuk ka nevojë dhe nuk mund të rikthehen më në qarkullim. Qeveria e Republikës së Kosovës e konsideron Kosovën si shtet sovran dhe buron prej kësaj shtetësie e prej këtij sovraniteti dhe nuk mund të legjitimojë neutralitet vetanak ndaj vetë statusit të saj, se njëri prej opsioneve ka qenë që ne të prodhojmë targa neutrale”, ishte shprehur Kurti. /Telegrafi/

Në trend Lajme

Më shumë
Haradinaj reagon ndaj vendimit të OVL-UÇK-së: Dita e Pavarësisë nuk i takon vetëm veteranëve

Haradinaj reagon ndaj vendimit të OVL-UÇK-së: Dita e Pavarësisë nuk i takon vetëm veteranëve

Lajme
Përfundon numërimi i votave për deputetë në pesë komuna, vazhdon në 29 të tjera

Përfundon numërimi i votave për deputetë në pesë komuna, vazhdon në 29 të tjera

Politikë
Reagon ish-kryetarja e Kushtetueses,Caka: Nuk kam diskutuar me askënd për ndonjë funksion politik

Reagon ish-kryetarja e Kushtetueses,Caka: Nuk kam diskutuar me askënd për ndonjë funksion politik

Politikë
Ambasada e Kosovës në Austri me një njoftim të rëndësishëm për konvertimin e patentë shoferëve

Ambasada e Kosovës në Austri me një njoftim të rëndësishëm për konvertimin e patentë shoferëve

Lajme
Bekim Jashari i reagon OVL-UÇK-së: Ka mijëra arsye për të festuar lirinë dhe pavarësinë, bojkoti nuk ndryshon rrjedhën e historisë

Bekim Jashari i reagon OVL-UÇK-së: Ka mijëra arsye për të festuar lirinë dhe pavarësinë, bojkoti nuk ndryshon rrjedhën e historisë

Lajme
Arrestimi i Veliajt me urdhër të SPAK, reagon delegacioni i BE në Tiranë

Arrestimi i Veliajt me urdhër të SPAK, reagon delegacioni i BE në Tiranë

Lajme
Kalo në kategori