Dhunë fizike e psikike ndaj bashkëshorteve, e rasti tjetër sulm i djemve ndaj babait – ky është raporti i Policisë  

Policia e Kosovës në raportin 24-orësh ka njoftuar për disa raste të dhunës në familje, të cilat kryesisht janë ndaj grave.

Rastet e dhunës ndaj grave kanë ndodhur në Pejë dhe Kaçanik, ndërsa rasti tjetër i dhunës ndaj babait ka ndodhur në Shtime.

Lexoni të plotë raportin:

Shtime 12.04.2024-12:30. Janë arrestuar dy të dyshuar meshkuj kosovarë nën dyshimin se kanë ushtruar dhunë fizike ndaj babait. Me vendim të prokurorit, dy të dyshuarit janë dërguar në mbajtje. Rasti duke u hetuar.

Kaçanik 12.04.2024-12:00. Është arrestuar i dyshuari mashkull kosovar, nën dyshimin se i njëjti ka ushtruar dhunë psikike ndaj viktimës femër kosovare, bashkëshortes së tij. Me vendim të prokurorit, i dyshuari është dërguar në mbajtje. Rasti duke u hetuar.

Pejë 12.04.2024-01:00. Është arrestuar i dyshuari mashkull kosovar, pasi që i njëjti në gjendje të dehur, ka sulmuar fizikisht viktimën femër kosovare, bashkëshorten e tij. Të dyshuarit i është bërë matja e nivelit  të alkoolit në gjak, i cili ka rezultuar të jetë 0.70 promilë. Me urdhër të prokurorit personi i dyshuar është lirua, rasti në procedurë të rregullt.

Pejë 12.04.2024-10:45. Është arrestuar i dyshuari mashkull kosovar nën dyshimin se i njëjti ka ushtruar dhunë sistematike ndaj viktimës femër kosovare-bashkëshortes së tij. Me vendim të prokurorit, i dyshuari është dërguar në mbajtje. Rasti duke u hetuar. /Telegrafi/