Ernesto Valverde ka gëzuar një fillim të shkëlqyer në jetën e tij në Camp Nou, dhe tashmë ai është duke fituar poenë në disa aspekte në të cilat ai ka shkëlqyer më shumë se paraardhësi i tij, Luis Enrique.
Ish-trajneri i Athletic Bilabos e ka kthyer gjigantin katalunas në një arrë të fortë për çdo skuadër, teksa mediat evropiane po thurin elozhe për të.
Gazeta e njohur spanjolle Marca ka bërë disa krahasime mes trajnerit aktual të Barçës dhe paraardhësit së tij, Enrique, duke treguar se Valverde është nivel tjetër për dallim nga ai.
1.Menaxhimi i Andres Iniestas
Nën drejtimin e Valverdes, Iniesta ka bërë 13 ndeshje si titullar në La Liga, ndërsa nën drejtimin e Enriques kishte 13 ndeshje në të gjitha garat deri më tani këtë sezon.
2.Jordi Alba
Enrique e linte shpesh në bankë, ndërsa Valverde nuk e ndërron asnjëherë në krahun e majtë të mbrojtjes.
3.Marrëdhëniet me mediat
Enrique tregohej i ashpër me mediat, ndërsa Valverde përgjigjet në të gjitha pyetjet.
4.Marrëdhëniet me klubin
Valverde pajtohet me të gjitha vendimet e klubit. Enrique refuzoi shitjen e Arda Turanit në Kinë vitin e kaluar.
5.Roli i Paco Alcacerit
Valverde luan shpesh me Alcacerin në krah të Luis Suarezit dhe ka shënuar shumë gola. Enrique gjithmonë e shihte si zëvendësues të uruguaianit.
6.Zëvendësimet
Valverde ka bërë shpeshherë zëvendësime taktike që kanë qenë vendimtare duke ndryshuar fatin e jetës. Enrique ndonjëherë ka përfunduar ndeshjen pa bërë asnjë zëvendësim.
7.Rotacioni
Rotacioni i Valverdes është shumë inteligjent. Në anën tjetër, Enrique me rotacionin e tij krijonte konfuzion në skuadër.
8.Qendërmbrojtësit
Valverde po beson në Thomas Vermaelenin dhe belgu po ia shpaguan besimin. Enrique besonte te Jeremy Mathieu dhe ky ia shpaguante me gabime.
9.Gabimet e gjyqtarëve
Valverde mbron gjyqtarët edhe pas gabimeve të bëra, si pro dhe kundër skuadrës së tij. Enrique gjithmonë ishte i ashpër pas gabimeve të tyre duke eskaluar ndonjëherë me protesta.
10.Të pamposhtur
Valverde shkon në pushim dimëror pa asnjë humbje, si skuadër e pamposhtur. Enrique fitoi dy tituj të Ligës me Barçën, por gjithmonë mposhtej para Krishtlindjeve.
/Telegrafi/