Deulofeu kishte marrëveshje për të kaluar te Tottenham, operimi i gjurit prishi gjithçka

Gerard Deulofeu ishte vetëm një hap larg bashkimit me Tottenham Hotspur në afatin kalimtar të janarit.

Sulmuesi 28-vjeçar spanjoll e filloi sezonin në mënyrën më të mirë te Udinese, duke shënuar dy gola dhe duke dhënë gjashtë asistime në 15 ndeshjet e para të sezonit përpara pushimit të Kupës së Botës.

Deulofeu më në fund po fillonte të përmbushte potencialin e tij dhe në dukje kishte rigjallëruar karrierën e tij pas lëvizjes së tij prej 17 milionë euro në Udine në janar 2021.

Siç raportohet nga gazetari Daniele Longo i Calciomercato.com, Deulofeu ishte në prag të nënshkrimit për Tottenhamin në afatin kalimtar të muajit të kaluar, ku marrëveshja mes klubeve ishte arritur dhe lojtari kishte interes për t’iu bashkuar skuadrës së Antonio Conte.

Ndërsa marrëveshja po finalizohej, Deulofeu u detyrua t’i nënshtrohej një operacioni në gju, duke e lënë jashtë për të paktën tre muaj.

Lexo po ashtu U parashikuan si pasardhës të Lionel Messi: 17 lojtarët që u menduan të jenë 'Messi i ri', njëri nga ta shqiptar - ku janë sot ata?

Operacioni bëri që marrëveshja me Spurs të prishej, duke e lënë lojtarin në Udine të punonte për rikuperimin e tij. /Telegrafi/