Derisa po voziste, gruaja regjistron pamjet – telefonon burrin e tmerruar, i thotë se pa një ‘anije kozmike që duket si një pica’ (Video)

Një grua që shijonte një natë të vonë derisa po voziste makinën e saj për në shtëpi, u tmerrua kur pa atë që dukej të ishte një ‘anije kozmike që dukej si një pica’ duke fluturuar mbi makinën e saj në Tennessee.

Sipas mediave të huaja, përcjell Telegrafi, bëhet fjalë për disa pamje të publikuara në rrjetet sociale, ku shihet gruaja duke vozitur, e cila pasi sheh pamjet, telefonon burrin e saj.

“Jashtëtokësori” – një trekëndësh i zi me dritë të kuqe – mund të shihej duke u ulur afër makinës së saj derisa ajo po voziste për në shtëpi.

Videoja tregon gruan duke kënduar para se të shohë UFO-n e supozuar dhe bërtet, para se të dënesë.

Gruaja pastaj thërret në telefon bashkëshortin e saj, i cili nuk i përgjigjet dhe e detyron atë të dërgojë regjistrime zanore të frikës së saj.

“Zemër, të lutem përgjigju, unë sapo pash një anije kozmike’, dëgjohet duke thënë ajo në telefon. “Të lutem m’u përgjigj. Unë jam e frikësuar dhe ishte një anije kozmike. E pashë në mënyrë të qartë dhe ishte një anije kozmike. Të lutem m’u përgjigj”. /Telegrafi/