Deputeti gjerman i reagon Vuçiqit: Nuk ka “ose Kosova ose Serbia”

Kryetari i Komitetit për Punë të Jashtme në Bundestagun gjerman, Michael Roth, ka reaguar ndaj deklaratës së presidentit serb, Aleksandar Vuçiq, i cili ka thënë se Bashkimi Evropian duhet të zgjedh mes Kosovës dhe Serbisë.

Deputeti gjerman, përmes një postimi në platformën X, ka thënë se nuk ka një gjë të tillë “ose Kosova ose Serbia”.

“Presidenti Vuçiq keqkuptoi diçka. Perspektiva e anëtarësimit në BE nuk vlen vetëm për Serbinë, por për të gjitha shtetet e Ballkanit Perëndimor, përfshirë Kosovën. Nuk ka gjë të tillë si “ose Kosova ose Bashkimi Evropian”. Por, Vuçiq ka të drejtë, me të në krye nuk ka asnjë mënyrë që Serbia të hyjë në BE”, ka thënë Roth, transmeton Telegrafi.

Präsident Vucic hat da etwas missverstanden. Die EU-Beitrittsperspektive gilt nicht nur für Serbien sondern für alle Westbalkan-Staaten inklusive Kosovo. Ein „entweder 🇷🇸 oder 🇽🇰“ gibt es nicht. Aber Vucic hat recht, mit ihm an der Spitze führt kein Weg Serbiens in die EU. https://t.co/50WGRRLy4J

— Michael Roth – official 🇪🇺🇺🇦🇮🇱🇬🇪 (@MiRo_SPD) March 19, 2024

Duke iu referuar BE-së, Vuçiq ka thënë se nëse ata e zgjedhin Kosovën “Serbia do të presë momentin më të mirë të mundshëm dhe ne do ta shfrytëzojmë mundësinë tonë”.

Lexo po ashtu Vuçiq kërcënoi Perëndimin, reagime të ashpra në “X” – bëhet thirrje që të ndalet kjo gjuhë

Ndaj deklaratës kërcënuese të presidentit serb, Aleksandar Vuçiq kanë nxitur reagime të shumta të analistëve. /Telegrafi/