Kandidati i Alternativës për deputet, Ilir Deda, në emisionin ‘InfoBox’ të RTV Dukagjini, tha se vendi mund të përfundoi në një krizë politike.
Ai tha se Presidenti i vendit, Hashim Thaçi, duhet ta qartësojë se si do t’i jap mandatin, në rast se dështon i pari.
Madje, ai tha se Thaçi mund ta bllokojë skenën politike.
Deda më tej, tha se Ramush Haradinaj nuk mund të bëhet kryeministër me vota të kontrabanduara.
“Kontrabandim s’ke pas, në krijim të qeverisë. Asnjëherë nuk ka ndodh në Kosovë, që në krijimin e Qeverisë me të ndodh kontrabandim të deputetëve”, tha Deda. /RTV Dukagjini/Telegrafi/
