Declan Rice tregon bashkëlojtarin e tij te Arsenali që e ka befasuar më së shumti

Arsenali ka vazhduar me fitore në Ligën Premier, teksa ka mposhtur Newcastle United me rezultat të thellë 4-1.

Pas lojës, Declan Rice kishte disa lëvdata të veçanta për mbrojtësit e tij, veçanërisht atë që ai ka parë nga Gabriel Magalhaes këtë sezon.

Ylli anglez i Topçinjve ka thënë se është befasuar me të vërtetë nga ajo që ka bërë Gabriel Magalhaes gjatë këtij sezoni me fanellën e skuadrës londineze.

Lexo po ashtu Arsenali vazhdon me spektakël në Ligën Premier, nënshtron Newcastlen në ‘Emirates’

“Nuk mund të flas mjaftueshëm për ta, nuk do të ulem këtu dhe të gënjej. Mendoj se Saliba është i pabesueshëm, padyshim që kam dëgjuar për të gjitha bisedat për të para se të vij këtu dhe ai që më ka befasuar vërtet është Gabrieli.

“Ai është aq agresiv, aq i fortë, me të vërtetë e dëshiron atë gjatë gjithë kohës, nuk humb kurrë një duel”.

Lexo po ashtu Arteta tregon katër gjëra që i munguan Arsenalit sezonin e kaluar që çuan në humbjen e titullit të Ligës Premier

“Kur ke dy qendërmbrojtës të tillë që e duan këtë, luajnë agresivisht, kjo të ndihmon vërtet dhe të jep besim”, ka thënë Rice.

Rice ka përmirësuar ndjeshëm qëndrueshmërinë mbrojtëse të Arsenalit, por paraqitjet e Gabriel dhe Saliba i kanë ndihmuar Topçinjtë të mbajnë rekordin më të mirë të mbrojtjes në Ligën Premier, pasi kanë pranuar vetëm 23 gola në 26 ndeshje. /Telegrafi/