Debuton Renault Trafic i ri tërësisht elektrik me rreze të vozitjes deri 240 km

Renault prezantoi shtesën më të fundit elektrike në flotën e saj tregtare në Ekspozitën e Transportit në Hanover këtë fundjavë.

Furgoni bazohet në të njëjtën platformë si veturat “simotra” të tij me naftë, me motor elektrik që kalon poshtë mbulesës së motorit dhe bateritë e vendosura mirë nën dyshemenë e ngarkesës.

Duke vepruar kështu, Renault u sigurua që kapaciteti i ngarkimit dhe madhësia e hapësirës së ngarkesës të mbeten identike, raporton Arena EV, transmeton Telegrafi.

Renault Trafic E-Tech përdor të njëjtin sistem elektrik që gjendet në Renault Kangoo elektrik. Energjia elektrike furnizohet nga një bateri 52 kWh për motorin elektrik 118 kuaj fuqi që fuqizon rrotat e përparme.

Si standard, karikuesi 240V AC deri në 22 kW mund të kujdeset për baterinë gjatë natës, kur kërkohet një rimbushje më e shpejtë, si opsion ofrohet një karikues DC deri në 50 kW.

Renault pretendon një distancë prej 240 km WLTP me një bateri plotësisht të ngarkuar, por është e paqartë nëse llogaritet një hapësirë e plotë e ngarkesës.

240 kilometra janë të mjaftueshme për dërgesat në brendësi të qytetit dhe karikimi i shpejtë DC mund ta ndihmojë këtë furgon të kujdeset për punë më të mëdha dhe më të gjata.

Meqenëse versioni elektrik bazohet në automjetin ICE, gjatësia e brendshme shkon deri në 4.15 metra në modelin më të gjatë, L2.

Vëllimi i ngarkesës është ose 5.8 metra kub në modelin L1 dhe shkon deri në 8.9 metra kub në modelin L2 më të gjatë.

Furgoni mund të transportojë deri në 1.1 tonë metrikë dhe mund të tërheqë një rimorkio deri në 750 kg. /Telegrafi/

https://www.youtube.com/watch?v=sA6DWHGmgLA&ab_channel=RenaultFrance