De Bruyne: Lufta për titullin e Ligës Premier është mes neve dhe Unitedit

Kevin De Bruyne beson se gara për titullin e Ligës Premier është tashmë midis dy skuadrave rivale lokale, Manchester Cityt dhe Unitedit, por paralajmëroi se gjërat mund të ndryshojnë shpejt dhe të marrin tjetër kahje.

De Bruyne dhe City kanë bërë një fillim të shkëlqyeshëm në këtë sezon, duke fituar shtatë dhe duke barazuar një nga tetë ndeshjet e tyre të para, për të qenë kryesues të ligës me dy pikë epërsi.

Lexo po ashtu Formacioni më i mirë i ligave evropiane deri më tani (Foto)

Unitedi i Jose Mourinhos është skuadra e vetme e pamposhtur e mbetur dhe ata mbajnë një diferencë me tre pikë ndaj vendit të tretë, Tottenhamit.

De Bruyne në një intervistë të tij theksoi tha se beteja për titull do të jetë mes tyre dhe skuadrës nga Old Trafford.

“Për momentin unë mendoj kështu, por gjithkush është ende në garë”, ka thënë De Bruyne për ESPN FC.

Lexo po ashtu Guardiola flet për krahasimin Messi – De Bruyne, zbulon dallimet mes tyre

“Është shumë herët, nëse humbisni dy ose tre ndeshje, ju ktheheni në një pozitë më të ulët. Ne duhet ta mbajmë këtë shpresë”.

“Unë mendoj se ne jemi shumë më shumë se çfarë ai [Guardiola] dëshiron. Është e qartë se një lojë do të duket më mirë se tjetra dhe një herë do të duket më shumë si ekipi i tij se tjetri, por mendoj se mënyra se si luajmë është gjithmonë e njëjtë”.

Lexo po ashtu De Bruyne e Silva, debate të ashpra – Vetëm Fernandinho i qetëson (Foto/Video)

“Ne luajmë futbolli dominues dhe dëshirojmë t’i bëjmë shumë presion mbi ta dhe nëse mund ta bëni këtë, ai punon mirë”.

“Është e vështirë të vazhdosh me ritëm të plotë gjatë gjithë kohës, por për momentin të gjithë janë në formë të mirë”, përfundoi mesfushori belg. /Telegrafi/