David Ospina është shtrirë në spital pas lëndimit të kokës – ai ka pësuar krizë hipotenzive

Napoli ka konfirmuar se David Ospina nuk e ka humbur vetëdijen, por ka pasur një krizë hipotenzive pas lëndimit të kokës në ndeshjen kundër Udineses.

Portieri napolitan u përplas me Ignacio Pussetton dhe kërkoi ndihmë mjekësore. Afro 40 minuta më pas, ai u rrëzua në fushë dhe u duk se e humbi vetëdijen.

David Ospina's injury before his collapse in today's match against Udinese pic.twitter.com/rxPhWE0QZe

— Durkocel (@MonsignorBilly) March 17, 2019

Menjëherë pas, futbollisti është dërguar në spitalin që është rreth një kilometër larg stadiumit, ku ka bërë një CT (Tomografia të Kompjuterizuar).

Kriza hipotenzive është një gjendje kërcënuese për jetën, në të cilën shtypja e gjakut bie aq poshtë, saqë në rastet më esktreme mund ta dëmtojë trurin, veshkat, si edhe organet tjera vitale, të cilat nuk mund ta marrin gjakun e nevojshëm për të funksionuar.

Në një komunikatë të lëshuar nga klubi italian thuhet se “Ospina nuk e ka humbur vetëdijen, por ka pasur një krizë hipotenzive, si pasojë e traumës së kokës” dhe se CT-ja nuk ka treguar ndonjë dëmtim në tru.

“Ospina do të transferohet në klinikën Pineta Grande, ku do të jetë në mbikëqyrje për 24 orët e ardhshme”, thuhet më tej në njoftim. /Telegrafi/