Daja i lumtur me fitoren ndaj Prishtinës

Ballkani ka arritur të marrë tri pikë të reja në kampionat, pasi ka mposhtur para tifozëve vendas Prishtinën me rezultat të pastër 2-0.

Ermal Krasniqi lëshoi rast të artë për të shënuar duke humbur penalltinë, por pastaj u gjend në listën e realizatorëve së bashku me Blend Baftiun.

Pas ndeshjes trajneri i Ballkanit, Ilir Daja është shprehur shumë i lumtur me fitoren e arritur, duke thënë se kanë bërë një pjesë të parë shumë të mirë.

“Po kemi bërë një pjesë të parë shumë të mirë duke krijuar shumë raste, pavarësisht se kemi pasur një kundërshtar që vinte nga disa rezultatet pozitive”.

Lexo po ashtu Ballkani fiton derbin ndaj Prishtinës dhe marshon sigurt drejt titullit kampion

“E rëndësishme ishte fitorja, pasi kemi pasur shumë mungesa si me kartonë edhe me lëndime, por këtu kemi edhe një ekip të dytë që nuk u vërejtën mungesat”.

“Sigurisht që çdo ndeshje të jep besim më të madh, pasi po vazhdojmë ecurinë e rezultateve pozitive. Jemi fokusuar të gjithë së bashku pasi çdo ndeshje e kemi si finale dhe kemi entuziazmin dhe së bashku do të vazhdojmë”, u shpreh Daja.

Pas 29 xhirove, Ballkani zë vendin e parë me 63 pikë tetë më shumë se Gjilani në vendin e dytë. /Telegrafi/