Daja e nisë mbarë në BKT Superligë: I kënaqur që morëm fitore, kjo është meritë e futbollistëve

Ballkani e ka nisur mjaftë mirë edicionin pranveror në BKT Superligën e Kosovës në futboll.

Suharekasit kanë triumfuar me rezultat 4-1 ndaj Dukagjinit të Klinës, duke konfirmuar formën e mirë që po kalojnë.

Kjo fitore ishte një nisje e mirë edhe për trajnerin Ilir Daja, për të cilin kjo ishte ndeshja e parë në elitën e futbollit kosovar.

Daja është shprehur i kënaqur me fitoren e arritur, teksa meritat më të mëdha për këto tri pikë sipas tij i takojnë futbollistëve.

“Jam i kënaqur që nisim me fitore dhe që nuk e diskutuam fitoren. Kjo është meritë e djelmoshave”.

“Kemi bërë një ndeshje tejet të mirë, sidomos në pjesën e parë. Djemtë kanë vrapuar shumë, kaluam në epërsi, por kemi pasur edhe situata tjera para portës kundërshtare”.

“Nuk më pëlqeu fakti se, kur je dy apo tre gola në epërsi, ka rënie të ritmit. Por, besoj se kjo do të ndryshojë në ndeshjet tjera”, deklaroi trajneri nga Shqipëria.

Pas kësaj fitore Ballkani ngjitet në pozitën e dytë me 36 pikë, një më pak se lideri Drita. /Telegrafi/