Dafina Zeqiri e ka publikuar videon muzikore të këngës së saj më të re, e cila titullohet “Japa”.
Realizimi i ri, në fakt është vazhdim i hitit të saj, “Vuj vuj vuj”, të publikuar në dhjetor të vitit 2019 e që numëron mbi 23 milionë shikime në YouTube.
E pëlqyer për interpretimet e veçanta dhe shfaqjet atraktive në videoklipit muzikore, Dafina nuk i ka zhgënjyer fansat e saj as kësaj radhe.
Ajo është kujdesur që krahas këngës së pëlqyer, të vije edhe me skena atraktive në videoklip.
Rzon dhe Pllumb qëndrojnë prapa këtij projekti pasi e kanë për prodhimin e këngës.
Tekstin e ka shkruar Elinel, derisa për anën vizuale është kujdesur produksioni Entermedia. /Telegrafi/
