Coronavirusi në Sydney, Australia dërgon ushtrinë në këtë qytet për të zbatuar masat e izolimit 

Australia ka dërguar qindra ushtarë në qytetin e Sydney për të ndihmuar në aplikimin e masës së izolimit, pasi që varianti delta i COVID-19, ka bërë që mbi 3000 raste të regjistrohen në këtë qytet dhe nëntë tjerë të humbin jetën.

Siç raporton BBC, mbyllja e njohur si “lockdown” që është në fuqi për të paktën deri më 28 gusht, nënkupton që njerëzit nuk mund të dalin nga shtëpitë vetëm në rast të ndonjë aktiviteti specifik, blerje të ushqimit apo nëse kujdesen për të moshuar, transmeton Telegrafi.

E pavarësisht mbylljes pesëjavore, numri i të infektuarve në qytetin më të madh të Australisë po vazhdon të rritet. Sot janë regjistruar 170 raste të reja.

Patrullimi i ushtrisë nëpër rrugë do të fillojë të aplikohet nga e hëna, para se t’ju bashkohen policia, që ndalojnë edhe lëvizjen me vetura në një rreze mbi 10 kilometra larg shtëpisë.

Ministri i Policisë, David Eliott, ka thënë se ushtria do të patrullojë rrugëve të qytetit për shkak se një numër i vogël i njerëzve në Sydney mendojnë se “rregullat nuk mund të vlejnë për ata”. /Telegrafi/