Conte: Kemi besim te Esposito, dua një Inter me lojtarë italianë

Antonio Conte e ka konfirmuar edhe një herë besimin që ka tek sulmuesi adoleshent Sebastiano Esposito dhe dëshirën e tij për një skuadër të Interit me një frymë italiane.

Esposito bëri përshtypje të mira gjatë paraqitjes së tij kundër Borussia Dortmund, pavarësisht se është vetëm 17 vjeç.

“Në sulm, ne filluam me ide shumë specifike. Ne e dinim se kishim tre sulmues me karakteristika të caktuara me Lukakun, Sanchezin dhe Lautaron, ndërsa Politano ka karakteristika që nuk përputhen saktësisht për një sulmues”.

“Esposito ishte zgjedhja e pestë, kështu që nga ky këndvështrim ishim të qetë”.

“Që atëherë, lëndimi i Sanchez ka qenë një humbje e konsiderueshme për ne, por ne kemi pasur Espositon”.

Nerazzurrët firmosën me disa italianë gjatë verës, duke përfshirë Nicolo Barellan, Stefano Sensin dhe Cristiano Biraghin.

“Qëllimi i klubit është që para së gjithash të përqendrohet te lojtarët e fortë dhe të besueshëm. Pas kësaj, është e pashmangshme që lojtarëve italianë t’ju japin garanci të menjëhershme”.

“Ata e dinë mënyrën tonë të të punuarit. Ne italianët jemi shumë më të zgjuar në taktikë dhe punojmë në mënyrë më të detajuar sesa ata jashtë vendit”.

“Për këtë, është e rëndësishme që të kemi një frymë italiane. Pas kësaj, për shembull, unë e konsideroj Handanoviqin Italian!”, ka thënë Conte. /Telegrafi/