Conte: Juventusi, Interi dhe Roma tregojnë se futbolli italian është ‘rritur ndjeshëm’

Antonio Conte duartrokiti paraqitjet e rivalëve të tij në Ligën e Kampionëve dhe Ligën e Evropës gjatë ditëve të fundit, pasi mendon se futbolli italian është ‘rritur ndjeshëm’ gjatë viteve të fundit.

Conte në konferencën për shtyp para ndeshjes me Torinon tha se mendon se është e rëndësishme të mos ‘nënvlerësohen’ fitoret, pavarësisht se me kë do të përballen, pasi sipas tij Seria A është një nga ligat më konkurruese në Evropë.

Ai vuri në dukje shembuj nga raundi i kësaj jave të ndeshjeve evropiane për të treguar se sa i fortë është futbolli i Serie A për momentin.

Shtatë nga tetë skuadrat italiane që garojnë në garat e UEFA-s këtë sezon dolën të pamposhtur në raundin e fundit të ndeshjeve.

“Ndeshjet evropiane të martën, të mërkurën dhe të enjten kanë konfirmuar se ne po fillojmë të shohim një nivel shumë të lartë taktik dhe teknik në Itali, përndryshe nuk do të imponohesh në mënyrën që bënë Interi dhe Atalanta, apo Juve në Aston Villa, sepse e di se sa i vështirë është ai terren”.

“Edhe Milani, pa harruar Romën. Më bën të mendoj se fitoret janë të nënvlerësuara. Roma është një ekip i madh, ata e treguan atë në shtëpinë e Tottenhamit, të cilët gjithashtu i njoh shumë mirë dhe ka një skuadër që është në garë për të luftuar për Ligën Premier”.

“Fiorentina dhe Lazio gjithashtu, futbolli italian është rritur ndjeshëm dhe tani duhet ta demonstrojë atë kundër skuadrave të forta në Evropë”, ka thënë Conte./Telegrafi/