Çollaku: E turpshme për BE-në, ta mbajë Kosovën të izoluar (Video)

“Do të ishte e pafalshme për Bashkimin Evropian dhe shtetet anëtare qe edhe me tutje të lënë Kosovën të izoluar, kjo do të ishte e turpshme. Unë nuk besoj qe shtetet anëtare do të ja lënë vetit një turp të tillë”, kështu është shprehur ministri i Integrimeve Evropiane, Bekim Çollaku në emisionin “Politikë” në Tribuna Channel.

I pari i Integrimeve Evropiane, thotë se çdo shtyrje e liberalizimit të vizave do të ishte e turpshme për Bashkimin Evropian. Kosova, sipas tij, do të shpërblehet më mërite brenda këtij viti.

“Nëse gjatë këtij viti qytetarët nuk lëvizin lirshëm dhe pa viza atëherë krejt këtij procesi i humb kuptimi, sepse ne e dimë se një ditë do të lëvizim lirshëm. Do të ishte absurde dhe e turpshme për Bashkimin Evropian, nëse kjo ndodhë, por jam i sigurt qe kjo nevoje krejtësisht teknike nuk do të shndërrohet në diçka politike. Jam i sigurt se Kosova do të shpërblehet me merite. Kjo nuk do të vijë si dhuratë, por edhe një gjë qe e kemi merituar edhe më herët. Durimi ynë do të shpërblehet në mënyre të meriturar”, ka thënë Çollaku në emisionin “Politikë”, në Tribuna Channel.

Çollaku thotë se Kosova mbetet e palëkundur në rrugën drejt Bashkimit Evropian. Gjatë këtij rrugëtimi, sipas tij, dalin shpeshherë pengesa të cilat nuk janë të lehta dhe në këtë kuadër ai e vlerëson edhe formimin e Gjykatës Speciale.

“Kosova e ka marrë përsipër një vendim tepër të vështire dhe e ndërlikuar sepse ne jemi koshiente se ne nuk kemi bërë një lufte pushtuese në një vend tjetër dhe jemi plotësisht të sigurt se gjithë përpjekja e jonë për liri ka qenë e drejtë. Nuk kemi pasur dyshime në përpjekjet për luftën tonë prandaj edhe kemi pranuar këtë kërkese qe ka ardhur nga komuniteti ndërkombëtar për formimin e kësaj gjykate ndërkombëtare e cila duhet ti përgjigje disa dyshimeve që janë ngritur nga raporti i Dick Martyt, mirëpo është gjë e mirë pozitive qe Gjykata do të qartësoje në tërësi se çfarë ka ndodhur në Kosovë”, ka theksuar Çollaku në emisionin “Politikë”, në Tribuna Channel!

Ai shprehet i bindur se kjo gjykatë do t’i spastrojë gjithë këto dyshime.

Se a është i ndërlidhur procesi i liberalizimit të vizave me funksionalizimin e Gjykatës Speciale, ndiqeni videon në vazhdim!