Clippers fitojnë falë Chris Paul

Chris Paul shënoi 24 pikë duke ndihmuar Los Angeles Clippers të fitonin ndaj Knicks me rezultatin 101-94. Clippers zhvilluan mbi të gjitha një ndeshje si skuadër, teksa plot 6 basketbollistë të këtij ekipi arritën të kapnin një shifër të dyfishtë në tabelën e realizimeve.

Në “Staples Center” Clippers shfrytëzuan në maksimum faktorin fushë pavarësisht se ishin Knicks që e nisën më mirë takimit. De Andre Jordan me një kosh në periodën e parë shkurtoi diferencën në 11-12.

Gjithsesi Knicks arritën të kryesonin deri në +5 falë dhe lojës së mirë të debutuesit Kristaps Porzingis, që e mbylli ndeshjen me 10 pikë në total. Në periodën e dytë, Clippers megjithatë morën kryesimi e takimit, me rezultatin 32-27, ndërsa një goditje e saktë për 3 e Chris Paul coi shifrat në 53-44.

Nju jorkezët arritën të afrohen deri në 61-68, por Los Angeles zgjati sërish epërsinë e tij në 73-63. Në periodën e katërt, Knicks arritën të barazonin më në fund rezultatin në 84-84 , por loja e shkëlqyer e Reddick dhe goditjet e tij të sakta nga vija për 3 bënë që rezultati të shkonte në 99-92 në favor të Los Angeles, të cilët në fund arritën të fitonin me një +7 për rezultatin 101-94.