Cineplexx sjellë premierën e xXx me shumë shpërblime! (Video)

Kinemaja austriake Cineplexx, ka lajmëruar se me 19 janar do të organizojë një event për premierën e filmit xXx: Return of Xander Cage me shumë shpërblime dhe pije falas për klientët e vet.

Prej se është hapur me 30 nëntor të 2016, kinemaja Cineplexx ka tërhequr një numër rekord prej 36 mijë vizitorësh vetëm deri në fundvit dhe kështu është rikthyer në vendin më të preferuar për qytetarët e Prishtinës që ta kalojnë kohën e lirë.

Në vazhdën e aktiviteteve të tyre, Cineplexx tashmë ka paralajmëruar se do të organizojë me 19 janar një event të veçantë për premierën e filmit të shumëpritur me aktorin e famshëm Vin Diesel, xXx: Return of Xander Cage.

Ky event do të fillojë prej orës 19:00 në Cineplexx, ndërsa qytetarët do të mund ta ndjekin këtë film në tre termine të ndryshme, prej orës 20:00, 20:40 dhe 22:10.

Të gjithë ata që blejnë bileta për këtë film mund të futen në lojë shpërblyese për të fituar një Megane Grand Coupe 2017 për një vikend me shpenzimet e mbuluara nga Renault dhe Dacia – Auto MITA, plus 100 Eur kesh.

Shpërblimet tjera me ulëset fatlume:
– 20 kupona në vlerë 30 Eur për mbi 16 brende të Albi Fashion dhe Sportina Group.
– 10 kupona në vlerë 20 Eur për produktet e INTERSPORT Kosova

Për më shumë, të gjithë klientët që marrin pjesë në këtë event do të shërbehen me pije FALAS Strongbow.

Çmimet e biletave për kinemanë Cineplexx i gjeni këtu: goo.gl/1yWyGU.

https://www.facebook.com/cineplexxkosovo/videos/1813270678915075/