Çifti i njohur, Rosie Huntington-Whiteley dhe Jason Statham bëhen prindër për herë të dytë

Rosie Huntington-Whiteley ka sjellë në jetë një vajzë.

Modelja, 34-vjeçare, mirëpriti fëmijën e saj të dytë me të fejuarin e saj, Jason Statham, 54 vjeç, dy ditë më parë në Londër, sipas një anëtari të ngushtë të familjes, shkruan DailyMail.

Rosie, e cila është gjithashtu nëna e djalit Jack, katër vjeç, më parë njoftoi se po priste një fëmijë të dytë në një postim në Instagram në gusht të vitit që lamë pas.

Në fund të muajit të kaluar, Rosie la të kuptohej se ishte afër datës së lindjes, teksa hyri në Instagram për të treguar barkun e rrumbullakosur.

Modelja mahniti me fustanin ngjyrë kafe të ngushtë i cili ia vinte në pah linjat dhe theksonte në mënyrë të përsosur barkun e saj.

Dyshja, të cilët kanë një diferencë moshe 20-vjeçare, janë gjithashtu prindër të një djali 4-vjeçar, Jack Oscar, të cilin e mirëpritën në qershor 2017.

Huntington-Whiteley dhe Statham janë në lidhje që nga viti 2010. Ata u fejuan në janar të vitit 2016, por ende nuk kanë lidhur martesën.

Çifti janë shumë privatë për lidhjen e tyre dhe mundohen të qëndrojë larg qendrës së vëmendjes. /Telegrafi/