Chelsea i pandalshëm, bëhet lider i Ligës Premier (Video)

‘Blutë’ e Londrës kanë shënuar edhe një fitore të radhës në Ligën Premier, pasi kanë mposhtur në udhëtim skuadrën e Middlesbroug me rezultat 1-0.

Djelmoshat e trajnerit Antonio Conte po përjetojnë një super-formë, duke arritur edhe fitoren e gjashtë radhazi në kampionatin anglez.

Pjesa e parë e ndeshjes filloi me skuadrën mysafire, e cila kërkonte të gjente sa më shpejt golin e epërsisë, duke rrezikuar disa herë me Victor Moses dhe Pedro, por në dy rastet goli iu mohua nga portieri Victor Valdes.

Megjithatë, ‘Blutë’ arritën të gjejnë golin e parë në këtë pjesë, pasi pas një tollovie në zonën e vendasve më së miri u gjend spanjolli Diego Costa, i cili shënoi në minutën e 41-të për 1-0 dhe skuadrat me këtë rezultat shkuan në epërsi.

Pjesa e dytë ishte më e barabartë për nga krijimi i rasteve dhe loja e treguar, por me një nuancë më të mirë skuadra e Middlesbrough, që provuan të gjejnë golin e barazimit me Adama Traore(75’) dhe Alvaro Negredo (78’), por Thiabut Courtouis u tregua i shkathët dhe ia mohoi golin.

Deri në fund edhe Chelsea pati disa raste, por pa arritur të shënojnë edhe një gol dhe kështu ndeshja përfundoi me fitoren e ‘Bluve’ me rezultat 1-0, fitore kjo që e bënë lider të Ligës Premier me 28 pikë.

Në javën tjetër, Chelsea e pret Tottenhamit në shtëpi, ndërsa Middlesbroug, pas kësaj humbje e sheh vetën në vendin e 15-të me 11 pikë dhe udhëton te Leicester City. /Telegrafi/

https://twitter.com/ChelseaFC_es/status/800379255490105344