Chelsea ka shënuar edhe një fitore në kuadër të Carabao Cup.
“The Blues” triumfuan para shikuesve të vetë në “Stamford Bridge” kundër Evertonit me rezultat 2-1, e cila i solli edhe çerekfinalen në këtë trofe.
Pjesën e parë vendasit ishin më të mirë dhe kjo i solli golin e parë në këtë takim, i cili njëherazi ishte i vetmi.
Ishte qendër mbrojtësi i Antonio Rudiger, i cili realizoi golin e parë për skuadrën e Chelseat, që nga koha kur u transferua nga Roma.
Gjermani shënoi gol me kokë në të 26 minutë pas një harkimi të bukur të Charly Junior Musonda.
Edhe në pjesën e dytë të besuarit e trajnerit Antopnio Conte vazhduan të dominojnë në ndeshje.
Megjithatë, raste më tepër kishte skuadra e Evertonit përmes Aaron Lennon (‘69), Phil Jagielkas (‘70) dhe Ademola Lookman (’77, ‘81), por të cilat i shpërdoruan.
Në anën tjetër, të vetmin rast që e kishin brenda 45 minutshit të dytë e kishte Michy Batshuayi në të 79 minutë.
Por, në kohën shtesë u realizuan dy gola. Fillimisht, William ngriti epërsinë në të 93 minutë dhe dy minuta më pas Calvert-Lewin vulosi rezultatin përfundimtar, atë prej 2-1 për Chelsean.
Në këtë formë, Chelsea siguroi një biletë për në çerekfinalen e Carabao Cupit. /Telegrafi/
