Chelsea i gatshëm të paguajë shifrën rekorde për transferimin e mbrojtësit Wesley Fofana

Chelsea është i gatshëm të paguajë një tarifë rekord botëror për mbrojtës, duke paguar 85 milionë funte apo 100 milionë euro për të siguruar objektivin kryesor Wesley Fofana nga Leicester City.

Blutë panë që qendërmbrojtësit Antonio Rudiger dhe Andreas Christensen u larguan drejt Real Madridit dhe Barcelonës, si transferime të lira gjatë verës.

Kalidou Koulibaly ka ardhur nga Napoli për rreth 35 milionë euro dhe ka veshur fanellën nr.26, të veshur nga kapiteni legjendar John Terry.

Lexo po ashtu Leicesteri ia tregon Chelseat çmimin e Fofanas

Por, Thomas Tuchel është i prirur për të sjellë një tjetër qendërmbrojtës dhe e do me çdo kusht 21-vjeçarin Fofana.

Chelsea, i mbështetur nga pronari i ri i miliarderit amerikan Todd Boehly, bëri një ofertë masive prej 60 milionë funtesh apo rreth 72 milionë euro, por Leicesteri dëshiron të njëjtën tarifë që shiti me sukses Harry Maguire në vitin 2019.

Manchester United pagoi 80 milionë funte për mbrojtësin anglez dhe sipas The Sun, Chelsea është i përgatitur të përmbushë vlerësimin prej 85 milionë funtesh (100 milionë euro) të Leicesterit për Fofanan.

Chelsea shpreson të bëjë një marrëveshje për më pak, por e vlerëson Fofanan aq lart sa do të ishte i lumtur t’i jepte Leicesterit pikërisht atë që kërkon.

Do të ishte një shumë rekord botëror për një mbrojtës, duke eklipsuar shumën që “Dhelprat” mblodhën nga shitja e Maguire tre vjet më parë. /Telegrafi/