Challandes: I lumtur me paraqitjen dhe fitoren ndaj Maltës, ndeshje e madhe ‘finalja’ me Azerbajxhanin

Trajneri i Përfaqësueses së Kosovës, Bernard Challandes ka folur pas fitores në udhëtim te Malta në kuadër të Grupit 3 në Ligën D të Ligës së Kombeve.

Challandes është ndarë i lumtur me paraqitjen dhe intensitetin e lojtarëve të tij të treguar në fitoren 0-5 të Malta, ndërsa pret ndeshje të madhe ndaj Azerbajxhanit.

“Jam shumë i lumtur me paraqitjen. Malta bëri ndeshje të mirë në pjesë të parë, por isha i lumtur në pjesën e dytë që bëmë mbrojtje dhe sulm të mirë”, ka thënë fillimisht Challandes pas ndeshjes për Supersport.

Lexo po ashtu Kosova fiton me dominim dhe goleadë ndaj Maltës, 'finalja' të martën ndaj Azerbajxhanit

“U desh të mbysim më herët ndeshjen, pasi mu kujtua takimi i parë në Prishtinë, por ndihem i lumtur me fitoren”.

“Më së shumti më ka kënaqur vendosmëria e lojtarëve, intensiteti i lartë dhe efikasiteti i lojtarëve”.

“Ishte me rëndësi që shënuam pesë gola, pasi kishim ndeshje që nuk arrinim të ishim efikas”.

“Që nga fillimi e kam ditur se finalja do të jetë me Azerbajxhan, të cilët janë ekip i mirë dhe me lojtarë të mirë”.

“Do të jetë ndeshje e madhe në Prishtinë, pasi njerëzve të Kosovës”, përfundoi trajneri i Kosovës. /Telegrafi/