Çfarë do të sjell liberalizimi dhe si do të lëviz çmimi i energjisë elektrike

Sonte në “Studio e hapur” të TVNova për liberalizimin e energjisë elektrike dhe si do të lëviz çmimi i rrymës gjatë vitit 2016 kanë debatuar Hristijan Mickovski, këshilltar i kryeministrit për energjetikë, profesori Konstantin Dimitrov dhe Drejtori i përgjithshëm i MEPSO, Sinisha Spasov, transmeton Telegrafi Maqedoni.

“Kemi dy probleme me të cilët ballafaqohet shoqëria, e para është se dëshirojmë investime për mirëmbajtje apo mbindërtim të rrjetit ndërsa nga ana tjetër duam sa më pak para të japim për energjinë elektrike”, thotë profesori Dimitrov.

“Kjo është problem sepse nuk do të ketë mbindërtim apo investim nëse nuk ka mjete financiare. Nga ana tjetër, themi se duam të japim më pak para për energji elektrike. Qytetarët duhet ta kuptojnë që çmimi i rrymës elektrike nuk mund të zvogëlohet në mënyrë drastike, ndërsa amvisëritë duhet të mendojnë në drejtim të zvogëlimit të konsumit”, thotë ai.

“Rryma u lirua, ndërsa kjo për MEPSO do të thotë më pak të ardhura, firmat i janë gëzuar këtij lajmi”, thotë Drejtori i përgjithshëm i MEPSO, Sinisha Spasov.

“Zvogëlimi i çmimit të rrymës elektrike për kompaninë tonë do të thotë më pak të ardhura, por natyrisht që kjo firmave tjera dhe qytetarëve u shkon për shtati, sepse do të ndajnë më pak financa për energjinë elektrike, ka konstatuar ai.