Çfarë mund t’ju mësojë pasqyra për veten? Disa këshilla nga ekspertët

Cila është praktika për të medituar me pasqyrën?

Shikimi në pasqyrë lidhet shpeshherë me narcizmin ose ndjenjat e pamjaftueshmërisë, por të mësuarit se si ta shihni veten në reflektimin tuaj mund të rrisë dhembshurinë për veten, të ndihmojë menaxhimin e stresit dhe të përmirësojë marrëdhëniet, vetëbesimin dhe elasticitetin emocional

Pasqyrat mund të ngjallin ndjenja të forta te ne dhe ato mund të jenë gjithashtu mjete jashtëzakonisht të fuqishme për të ndryshuar këndvështrimin tonë dhe për të parë pjesë të vetes që zakonisht fshihen teksa shikojmë botën.

Dëshira jonë për t’u parë dhe reflektuar është themelore dhe e lindur. Si fëmijë, ne mësojmë të kuptojmë veten përmes reflektimeve të atyre përreth nesh. Në fakt, psikologët kanë zbuluar se kontakti ballë për ballë është thelbësor për zhvillimin tonë social dhe emocional. Ndërsa kalojmë më shumë kohë vetëm dhe në telefona, ne e humbasim këtë reflektim social. Nëpërmjet pasqyrës, ne mund të jemi ballë për ballë me veten në çdo kohë.

Të mësosh të përshtatesh me imazhin tënd nuk do t’ju kthejë në një narcisist të madh, në fakt krejt e kundërta: do të mësoni të qëndroni të pranishëm me veten, të menaxhoni intensitetin e emocioneve tuaja dhe të përdorni një forcë të re të brendshme.

Vetëdija më e mirë është çelësi për t’u çliruar nga kritiku i brendshëm dhe bota e jashtme që ngjallë frikën dhe ankthet tona se ne nuk jemi kurrë të sigurt, kurrë mjaftueshëm të mirë dhe kurrë nuk jemi mjaftueshëm për askënd.

Cila është praktika për të medituar me pasqyrën?

Rekomandojmë të paktën 10 minuta të heshtura duke parë veten në pasqyrë.

1. Vendosni hapësirën dhe qëllimin

Zgjidhni një hapësirë të ndriçuar mirë dhe pa shpërqendrim, ku mund të vendosni një pasqyrë. Uluni në një jastëk meditimi ose në një karrige me të dyja këmbët në tokë. Vendosni një kohëmatës për 10 minuta. Mos kini synime të tjera përveçse të uleni me veten për kohën e caktuar.

2. Përshtatuni me frymëmarrjen

Filloni me sytë mbyllur. Përshtatuni me frymën tuaj. E mbani frymën apo po merrni frymë me shpejtësi? Merrni frymë rregullisht dhe natyrshëm, vetëm duke vëzhguar frymëmarrjen tuaj duke lëvizur barkun, kafazin e kraharorit dhe kockat e klavikulës. Vini re çdo zonë tensioni në trup, veçanërisht fytyrën dhe shpatullat, më pas imagjinoni të dërgoni frymën tuaj për të relaksuar ato zona dhe duke e lënë tensionin të shkrihet.

3. Filloni të shikoni në sytë tuaj

Vini re nëse frymëmarrja juaj ndryshon kur shikoni veten tuaj për herë të parë. Kthehuni në frymëmarrje të plotë të qëndrueshme. Vini re cilësinë e shikimit tuaj: A është i ashpër apo i butë? Mundohuni ta zbusni shikimin sa më shumë që të mundeni. Nëse e vëreni veten duke u ngurtësuar duke u fokusuar në një detaj ose një defekt në pamjen tuaj, merrni frymë derisa të ndjeni veten duke u zbutur përsëri, të ndizni ndjenjën e empatisë për veten në maksimum.

4. Vini re se ku shkon vëmendja juaj dhe ndjenjat e lidhura me to

Shikoni reflektimin tuaj, duke qëndruar i hapur ndaj çdo gjëje që lind. Vini re çdo ndjesi ose emocion që shfaqet dhe lejoni që ato të jenë thjesht aty pa gjykim ose interpretim. Lërini ndjenjat dhe mendimet thjesht të kalojnë teksa merrni frymë, relaksoni trupin dhe shikoni veten pa asnjë qëllim tjetër përveçse të jeni të pranishëm me veten. Vini re nëse vëmendja bëhet shumë e ngushtë dhe kërkuese, dhe nëse po, shikoni nëse mund ta zgjeroni atë për të parë të gjithë trupin. Thjesht vëreni se ku shkon vëmendja juaj dhe çdo ndjenjë që lidhet me të pa gjykuar.

Ju mund të habiteni se sa shumë mund të ndryshojë këndvështrimi për veten gjatë 10 minutave dhe se sa do do rritet vetëvlerësimi dhe dashuria ndaj vetes ashtu siç nuk e kishit imagjinuar. /Telegari/