Çfarë ka ndodhur me Deulofeun dhe pse Barcelona me klubet tjera po i dërgojnë atij urimet më të mira?

Barcelona është solidarizuar me ish-sulmuesin e tyre Gerard Deulofeu i cili mund të pensionohet nga futbolli në moshën 30-vjeçare për shkak të lëndimeve.

“Qëndro i fortë, @gerardeulofeu! ??❤️”, ka shkruar Barcelona në rrjetin social X (ish-Twitter) pas rrëfimit të lojtarit se ai mund të mos rikuperohet asnjëherë nga lëndimi.

“Unë nuk mund të bëj atë që dua për një kohë të gjatë, unë nuk kam luajtur që një vit. Nuk mund të them shumë, por po kaloj në një provë. Ju nuk mund ta imagjinoni atë që jam duke kaluar”, ka thënë Deulofeu.

Stay strong, @gerardeulofeu! 💪💙❤️ pic.twitter.com/2Fsz2K9sx7

— FC Barcelona (@FCBarcelona) February 23, 2024

“Unë po mundohem të rikuperohem në çdo mënyrë, por e kam pranuar idenë se mund të mos rikuperohem më asnjëherë. Unë kisha një lëndim në 2022, gjuri im ishte i traumatizuar, por ia dola që të rikuperohem, por gjithashtu jam duke u përgatitur edhe për një karrierë pas futbollit”, është shprehur ai.

Klubet tjera ku ka luajtur Deulofeu si Watford dhe Everton gjithashtu kanë shprehur mbështetjen e tyre ndaj lojtarit.

Spanjolli nuk ka luajtur që një vit dhe paraqitja e tij e fundit daton në janar të 2023. Ai ishte në fushë për vetëm 13 minuta para se të pësoi një tjetër lëndim në të njëjtin gju./Telegrafi/