Çfarë e shkakton abortin: Gratë humbasin foshnjat, madje edhe para se të kuptojnë se janë shtatzënë

Kur aborti shkaktohet nga gjenetika dhe cilat janë simptomat që një grua ka humbur një fëmijë…

Përkufizohet si humbja e paprovokuar e fetusit gjatë tre muajve të parë të shtatzënisë, abort i hershëm është ai deri në javën e 12-të, ndërsa i vonshmi nga java e 13-të deri në javën e 24-të të shtatzënisë.

Shkaqet mund të jenë të ndryshme, por shumica e tyre nuk kanë të bëjnë fare me atë që gruaja ka bërë ose nuk ka bërë, transmeton Telegrafi.

Gjatë tremujorit të parë të shtatzënisë, aborti është më së shpeshti rezultat i një problemi në fetus. Këto janë zakonisht kromozome jonormale, pavarësisht nëse fetusi ka shumë ose jo mjaftueshëm.

Ky është shkaku pse fetusi nuk mund të zhvillohet normalisht.

Në rreth dy deri në pesë për qind të aborteve, fajin e ka gjenetika – njëri prej partnerëve ka një anomali kromozomesh për të cilën ata nuk janë fare të vetëdijshëm.

Gjithashtu, zhvillimi i placentës mund të jetë i rrezikshëm dhe i dobët gjatë shtatzënisë, sepse në këtë mënyrë bebja ka uri – nuk merr mjaftueshëm gjak ose lëndë ushqyese të mjaftueshme.

Në tremujorin e dytë, shkaqet e abortit mund të jenë qafa e dobët e mitrës, forma e saj, infeksioni me ndonjë sëmundje seksualisht të transmetueshme dhe madje edhe pasojë e helmimit nga ushqimi.

Nëse ndodh një abort i vonshëm, shkaqet mund të jenë parregullsi në koagulimin e gjakut, probleme me gjëndrën tiroide dhe, përsëri, vështirësi për shkak të një cerviksi të dobët.

Simptomat e një aborti të hershëm përfshijnë gjakderdhje, dhimbje dhe ngërçe në pjesën e poshtme të barkut, ënjtje të lëngjeve nga vagjina dhe nxjerrjen e pjesëve të indeve. Një grua shtatzënë mund ndalojë së përjetuari simptomat e shtatzënisë si të përziera ose dhimbje dhe ndjeshmërinë e gjirit.

Që në fillim, gjëja më e rëndësishme është të bisedoni menjëherë me mjekun. Aborti spontan ndodh shumë më shpesh sesa mendohej më parë, për shembull, në Britaninë e Madhe frekuenca është 1 në 8.. Në shumë raste, kjo ndodh edhe para se gruaja të kuptojë se është shtatzënë.

Për ta shmangur atë, është e rëndësishme që nëna e ardhshme të bëjë një jetë të shëndetshme, të mos pijë, të mos pijë duhan dhe të mos marrë substanca të tjera të rrezikshme. Në shtatzënitë me rrezik të lartë, është jashtëzakonisht e rëndësishme të ndiqni të gjitha udhëzimet e mjekut. /Telegrafi/