Çfarë dronë kanë në dispozicion Houthit?

Pas sulmeve të vazhdueshme të Houthi-ve ndaj USS Gravely dhe anijeve tregtare amerikane në Detin e Kuq, SHBA pretendon se ka goditur 10 drone pa pilot në Jemen që po përgatiteshin të niseshin gjatë mbrëmjes së kaluar, sipas Komandës Qendrore.

SHBA pohoi gjithashtu se një qendër komandimi tokësor UAV ishte në shënjestër, raporton skynews.

Deri më sot, hakmarrja ushtarake e SHBA-së (dhe e Mbretërisë së Bashkuar) për sulmet ndaj anijeve tregtare të Detit të Kuq është fokusuar në aftësinë raketore anti-anije të Houthive.

Këto armë të furnizuara të mara nga Irani – duke përfshirë raketat lundruese dhe balistike – janë të shtrenjta dhe kërkojnë lëshues të konsiderueshëm raketash dhe sisteme radari për të ofruar një aftësi sulmuese.

Sistemet e radarëve gjurmohen lehtësisht dhe ofrojnë informacion të paçmuar për shënjestrimin e aeroplanëve luftarakë amerikanë, por raketat Houthi nuk duket se kanë qenë objektivi i sulmeve amerikane në këtë rast, transmeton Telegrafi.

Nuk është e qartë nëse rezervat e raketave kundër anijeve dhe radarëve janë shkatërruar nga sulmet e SHBA-së, apo nëse Houthit kanë vendosur të fshehin furnizimet e mbetura.

Pavarësisht, dronët priren të jenë më të vegjël, më të lirë dhe më të lehtë për t’u zëvendësuar, kështu që është e paqartë nëse kjo valë e fundit e sulmeve amerikane që synojnë vendet e lëshimit të dronëve do t’i pengojë Houthit nga vazhdimi i sulmeve të tyre ndaj anijeve në Detin e Kuq.

Pra, çfarë dronë kanë në dispozicion Houthit?

Houthit kanë zhvilluar aftësinë e tyre të dronëve – të paktën nga viti 2015 – dhe i kanë shfrytëzuar në konfliktin e tyre me Arabinë Saudite.

Houthit pretendojnë se ata kanë zhvilluar dronët e tyre, por është e qartë se shumica e pajisjeve të tyre ushtarake bazohen në dronët e eksportit iranian.

Houthit përdorin dronin Shahed 136 – i njëjti i ofruar nga Irani në Rusi për përdorim në pushtimin e tyre të paligjshëm të Ukrainës.

Por, droni kryesor i përdorur nga Houthit mban emrin e një komandantit të Houthive, i cili dyshohet se ishte vrarë nga Emiratet e Bashkuara Arabe në vitin 2018 – Saleh Al Sammad.

Dronët Sammad – Sammad 1-4 – bazohen në një model iranian, por të përshtatur nga Houthit.

Sammad 3 ka një hapje krahësh 4.5 metra, një motor “shtytje”, një rreze prej 1600 kilometra, fluturon midis 190-260 km/h.

Këta dronë kuptohet se udhëhiqen nga GPS-ja, por janë përshtatur me një sensor elektro-optik për të mundësuar gjurmimin përfundimtar të objektivit.

Dhe, për të mundësuar përdorimin kundër objektivave në lëvizje (të tilla si anijet), një antenë iu ofron mundësinë për ta drejtuar nga distanca.

Dronët Houthi mund të mos jenë veçanërisht të teknologjisë së lartë – ata përshkruhen si të ngadaltë, të vegjël dhe të cenueshëm – por ekziston një numër i madh në botë dhe ka raste se sasia luan rol vendimtar në luftë. /Telegrafi/