Cerrone përballet me suspendim gjashtëmujor nga UFC pas luftës me McGregor

Donald Cerrone po përballet me një ndalim prej gjashtë muajsh nga UFC pas luftimit të tij me Conor McGregor fundjavën e kaluar.

Amerikani u mposht me lehtësi nga irlandezi, i cili u rikthye në oktogon pas një mungese 15-mujore. Ai u pa për herë të fundit duke garuar në këtë sport në fundin e vitit 2018, kur ai u mposht nga Khabib Nurmagomedov në UFC 229.

Në anën tjetër, Cerrone, ka qenë krejtësisht e kundërta. Ai ka qenë shumë aktiv në këtë sport gjatë vitit të kaluar, por më shpesh ka përfunduar si humbës.

Lexo po ashtu Momenti fatal kur McGregor ‘trullos’ Cerronen – Goditje me gju, pastaj disa tjera radhazi me krahë

Kjo fundjavë e kaluar nuk ishte ndryshe. Ai thjesht nuk arriti ta rivalizojë McGregorin dhe pas vetëm 40 sekondave u mposht me nokaut teknik.

Një sulm i hershëm i gjurit në kokë tronditi “kaubojin” dhe më pas disa goditje mbi supe nga McGregor e rrëzuan plotësisht amerikanin.

Pastaj, një goditje e fortë me kokë rrëzoi njeriun me më shumë fitore në historinë e UFC, dhe kjo ishte me të vërtetë gjithçka që ndodhi në meç.

Pas përleshjes, Cerrone mbeti me disa prerje dhe mavijosje në fytyrën e tij, kështu që për çuditërisht, ai u dërgua në një spital lokal për t’u kontrolluar.

Lexo po ashtu Cerrone u dërgua në spital pas humbjes nga McGregor

Tani sipas mediumit britanik The Sun, Cerrone rrezikon të marr një suspendim mjekësor prej 180 ditësh.

Pezullimet pas meçeve janë praktikë e zakonshme për UFC-në, shumica marrin një ndalim 30-ditor, të cilin Cerrone e ka marrë tashmë, por duket se suspendimi i amerikanit mund të zgjas gjatë. /Telegrafi/